Զելինսկին նորից կմեկնի ԱՄՆ

Ուկրաինայի նախագահի օգնական Անդրեյ Երմակը հայտնել է, որ նախատեսվում է Վլադիմիր Զելենսկու նոր պաշտոնական այցն ԱՄՆ: Այդ մասին նա հայտնել է ուկրաինական ТСН-ին տված հարցազրույցում:

Երմակի խոսքով՝ Նյու Յորքում ՄԱԿ-ի Գլխավոր ասամբլեայի 74-րդ նստաշրջանի շրջանակում ԱՄՆ նախագահ Դոնալդ Թրամփի և Ուկրաինայի առաջնորդի միջև տեղի ունեցած զրույցի ընթացքում նախագահները քննարկել են մի շարք հարցեր, այդ թվում՝ կապված նոր բանակցությունների հետ:

«Այն զրույցը (Ուկրաինայի և ԱՄՆ նախագահների միջև հեռախոսազրույցը, որը դարձավ Թրամփի պաշտոնանկության գործընթացի մեկնարկի պատճառը) պատմության մի մասն է: Այս անգամ նախագահները բոլորովին այլ հարցեր են քննարկել»,- հայտնել է Անդրեյ Երմակը և հավելել, որ քննարկումների թեման հստակ շեշտադրված է եղել Թրամփի կողմից:

«Այսինքն՝ ներկայիս դրությամբ մենք ունենք արդեն պաշտոնական այցի նախապատրաստման ժամանակացույց և առաջադրանքներ»,- ընդգծել է Զելենսկու օգնականը:

Ընդ որում՝ նա չի նշել ուկրաինական կողմի բանակցությունների մասնակիցներին և չի հստակեցրել, թե երբ կարող է տեղի ունենալ Ուկրաինայի նախագահի այցը Վաշինգտոն:

Հիշեցնենք, որ սեպտեմբերի 25-ին Թրամփը և Զելենսկին հանդիպել էին Նյու Յորքում՝ ՄԱԿ-ի Գլխավոր ասամբլեայի 74-րդ նստաշրջանի շրջանակում:

Այս թեմայով Զելենսկին խոստացել է, որ «Դրուժբա» նավթատարը մինչև ապրիլի վերջ կսկսի գործել Ռուսներն առաջիկա ամիսներին Ուկրաինայի ջրամատակարարման համակարգերի դեմ գործողություն են նախապատրաստում․ Զելենսկի Եթե դուք չեք ծառայում պետությանը խորհրդարանում, ապա ծառայեք պետությանը ռազմաճակատում. Զելենսկի Ուկրաինա-Ռուսաստան-ԱՄՆ պատվիրակությունների հաջորդ հանդիպումը տեղի կունենա ԱՄԷ-ում՝ մարտի սկզբին․ Զելենսկի Զելենսկին նվաստացրել է Գերմանիայի արտգործնախարարին