Ֆրանսիան 2020-ի պետբյուջեում հարկերի կրճատում է նախատեսում

Ֆրանսիայի կառավարությունը 2020 թվականի պետբյուջեում հարկերի կրճատում է նախատեսել՝ հույս ունենալով, թե դա կօգնի մեղմել հասարակության վրդովմունքը, որն արտահայտվել էր «դեղին բաճկոնների» բողոքի ցույցերով:

Երկրի էկոնոմիկայի նախարար Բրյունո Լը Մերը երեկ հայտարարել է, որ բողոքի ցույցերի հետևանքով առաջացած «սոցիալական ճգնաժամը», ինչպես նաև գլոբալ տնտեսական աճի դանդաղումը իրենց ստիպել է որոշում կայացնել՝ ուղղված ներդրումների և սպառման խթանմանը։

Բյուջեի նախագծով ծրագրվում է հարկերի կրճատում տնային տնտեսությունների համար 9,3 միլիարդ եվրոյով, իսկ բիզնեսի համար՝ ավելի քան 1 միլիարդ եվրոյով: