Զելենսկիի հետ Թրամփի հեռախոսազրույցը կարող է իմպիչմենտի հիմք դառնալ. Շիֆ

Եթե հետաքննությունը ցույց տա, որ ԱՄՆ-ի նախագահ Դոնալդ Թրամփը հեռախոսազրույցի ժամանակ ճնշում է գործադրել իր ուկրաինացի գործընկեր Վլադիմիր Զելենսկիի վրա ԱՄՆ-ի նախկին փոխնախագահ Ջո Բայդենին վերաբերող հետաքննության հարցում, միակ տարբերակը կդառնա իմպիչմենտը, հայտարարել է Ներկայացուցիչների պալատի Հետաքննության հարցերով հանձնաժողովի ներկայացուցիչ Ադամ Շիֆը:

Ինչպես նշում է Reuters-ը, Թրամփն ու իր դաշնակիցները՝ ներառյալ ԱՄՆ-ի Պետքարտուղար Մայք Պոմպեոն, կիրակի ելույթ են ունեցել՝ ի աջակցություն Թրամփի հեռախոսազրույցի՝ ուժեղացնելով Բայդենի ուղղությամբ իրենց հարձակումները:

«Եթե նախագահն, ըստ էության, մերժում է ռազմական օգնության մեջ եւ, միեւնույն ժամանակ, փորձում մոլորեցնել օտարերկրյա առաջնորդին անօրինական գործում իր ընդդիմադրի մասին կեղտ փնտրելու համար նախագահական արշավի ժամանակ, դա կարող է դառնալ միակ միջոցը, որը հավասարազոր կլինի այն չարիքին, որը ենթադրում է այդպիսի վարքը»,-ասել է Շիֆը:

Ավելի վաղ Թրամփը բացահայտել էր լրագրողներին Ուկրաինայի նախագահ Վլադիմիր Զելենսկիի հետ հեռախոսազրույցի որոշ մանրամասներ՝ հայտարարելով, որ իր ուկրաինացի գործընկեր Վլադիմիր Զելենսկիի հետ հեռախոսազրույցի ժամանակ քննարկել է ամռան ընթացքում Ուկրաինայում կայացած ընտրություններն ու փաստը, որ «մենք չենք ուզում, որ մեր մարդիկ, ինչպիսիք են փոխնախագահ Բայդենն ու նրա որդին» իրենց ներդրումն ունենան կոռուպցիայի մեջ, որն արդեն դիտարկվում է Ուկրաինայում: