Մոսկվայում օդի ջերմաստիճանը գրեթե հասել է 87-ամյա վաղեմության ռեկորդին

Սեպտեմբերի 12-ին Մոսկվայում օդի ջերմաստիճանը գրեթե հասել է օդերևութաբանական դիտարկումների 140 տարվա պատմության ռեկորդին: Բացարձակ ցուցանիշի համար չի բավարարել ընդամենը 0,1 աստիճան, հաղորդում է Известия-ն:

«1932 թվականի բացարձակ ռեկորդին հասնելու համար չբավարարեց ընդամենը 0,1 աստիճան»,- հայտնել են Օդերևութաբանական ծառայությունից:

Մասնագետը նշել է, որ հինգշաբթի մայրաքաղաքում օդը տաքացել է մինչև 26.3 աստիճան:

Չորեքշաբթի՝ սեպտեմբերի 11-ին, Մոսկվայում վերջին 70 տարում սահմանվել է օդի ջերմաստիճանի ռեկորդ: Օդը տաքացել է մինչև 26.3 աստիճան, իսկ 2019 թվականի սեպտեմբերի 11-ը դարձել է ամենատաքը 1948 թվականից ի վեր:

Հիդրոօդերևութաբանական կենտրոնը նախազգուշացրել էր սեպտեմբերի 14-ից սպասվող օդի ջերմաստիճանի կտրուկ սառեցման մասին: Մոսկվայում ցերեկը օդի ջերմաստիճանը կհասնի 13-18 աստիճանի: Հաջորդ օրերին սառեցումը կշարունակվի: