Հայրը ցանկացել է սպանել պոռնոդերասանուհի դարձած դստերը, բայց հայտնվել է բանտում

Ծնունդով աֆղանստանցի երկու տղամարդ, ովքեր ապրում են Մեծ Բրիտանիայում, ձերբակալվել են այն բանի համար, որ պլանավորել են դպանել նրանցից մեկի դստերը, ով դարձել է պոռնոդերասանուհի։ Այս մասին հայտնում է The Daily Mail պարբերականը։ Ըստ հրապարակման, 54-ամյա Մուհամմեդ Պատմանն ու 49-ամյա Դարյա Խան Սաֆին երկար ժամանակ հետեւել են համացանցում Պատմանի դստեր կյանքին, ով 25 տարեկան է։ Աղջիկը 2017-ին հուդայականություն է ընդունել, տեղափոխվել Ավստրիա ամուսնու մոտ, որտեղ մասնակցում է ամուսնու բիզնեսին՝ նկարահանվելով էրոտիկ լուսանկարներում եւ պոռնոգրաֆիկ ֆիլմերում։ Ոստիկանության տեսադաշտում հայտնվելուց հետո, տղամարդկանց հանդեպ հսկողություն է սահմանվել եւ ըստ էության, ոստիկանները հետեւել են այն բանին, թե ինչպես են երկու տղամարդիկ պլանավորել քսանհինգամյա աղջկա սպանությունը։ Ուշագրավ է այն, որ սպանության կազմակերպման մասին օպերատիվ տեղեկությունները բրիտանական ոստիկանությունը ստացել էր Սլովակիայի իրավապահներից։ Ձերբակալված տղամարդկանց հնարավոր է արտահանձնեն Աֆղանստան։