Աբխազիայի նախագահական ընտրություններում Խաջիմբան հաղթում է, Կվիցինիան մտադիր է քվեարկության արդյունքները վիճարկել
Նախնական տեղեկություններով՝ Աբխազիայի գործող նապագահ Ռաուլ Խաջիմբան հաղթում է պետության ղեկավարի ընտրություններում, «ՌԻԱ Նովոստի»-ին ասել է ԿԸՀ նախագահ Թամազ Գոգիան:
Ավելի վաղ ԿԸՀ-ից գործակալությանն ասել էին, որ Խաջիմբան ստանում է ձայների 47,38 տոկոսը, իսկ ընդդիմադիր Ալխաս Կվիցինիան՝ 46,19 տոկոսը:
«Մենք ոչ մեծ, բայց առավելություն ունենք, որը զգալի է: Այնքան, որ հնարավոր լինի որոշել: Մեզ համար 1000 ձայնը անչափ շատ է»,- ասել է Գոգիան:
Նա նաեւ ասել է, որ ընդդիմությունը ընտրությունները վիճարկելու իրավունք ունի, բայց միաժամանակ Խաջիմբայի ընդդիմադիրների փաստարկները հիմնազուրկ է համարել:
Աբխազիայի նախագահի թեկնածու, ընդդիմադիր «Ամցախարա» կուսակցության առաջնորդ Ալխաս Կվիցինիան մտադիր է վիճարկել պետության ղեկավարի պաշտոնի ընտրություններում քվեարկության արդյունքները: Նա այս մասին երկուշաբթի ասել է իր կողմնակիցներին:
Նա նշել է, որ ավելի վաղ թեկնածուները որոշել էին հաշվի չառնել «բոլորի դեմ» ձայները: «Իրականում «բոլորի դեմ» տողը օրենքի խախտում է, այն իրավաբանական հիմնավորում չունի,- հայտարարել է Կվիցինիան: - Եվ ես այնպիսի զգացում ունեմ, որ երկու թեկնածուներիցս ոչ մեկը չի ստացել անհրաժեշտ թվով ձայներ, որպեսզի նախագահ դառնա, ուստի մենք կվիճարկենք»:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց