Պոզները նշել է, թե որն է Ռուսաստանի գլխավոր խնդիրը
Ռուս հայտնի հեռուստահաղորդավար Վլադիմիր Պոզները հայտարարել է, թե Ռուսաստանի գլխավոր խնդիրն այն է, որ երկիրը ղեկավարում են խորհրդային ժամանակաշրջանի մարդիկ: Հեռուստադիտողի հարցին տված պատասխանը հրապարակվել է Պոզների բլոգում:
Նրա խոսքով՝ «այդ խնդրից բխում են մյուս բոլոր խնդիրները»: «Երկիրը ղեկավարում են մարդիկ, որոնք ծնվել և ձևավորվել են ԽՍՀՄ-ում»,- մասնավորեցրել է լրագրողը:
Պոզներն ընդգծել է, որ խորհրդային մարդիկ «ուրիշ, այլևս գոյություն չունեցող հասարակության արտադրանք են»: Հաղորդավարը նշել է, որ նրանք փորձում են կառավարել իրենց անծանոթ հասարակությունը իրենց խորհրդային մտածելակերպի օգնությամբ, սակայն նրանց մոտ դա այնքան էլ չի ստացվում:
«Քանի դեռ նրանց փոխարինելու չեն եկել բոլորովին նոր մարդիկ, որոնք ձևավորվել են ամբողջովին այլ պայմաններում, երկիրը դժվարություններ կկրի»,- եզրափակել է Պոզները:
Հիշեցնենք, որ օրեր առաջ Պոզները հանդես էր եկել մեկ այլ հայտարարությամբ՝ բացասական գնահատական տալով խորհրդային իշխանությունների ազդեցությանը մարդու ձևավորման վրա և «խորհրդային մարդուն իր տեսակի մեջ այլանդակ» անվանելով:
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
Երևանի Նոր Արեշ փողոցում տուն է այրվել
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
Փրկարար ծառայությունն ամփոփում է անցած շաբաթը
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի