Եվրախորհրդարանում առաջարկել են չեղարկել Ռուսաստանի դեմ պատժամիջոցները
Ֆրանսիայից եվրապատգամավոր Տյերի Մարիանին առաջարկել է չեղարկել Ռուսաստանի դեմ պատժամիջոցները, հայտնում է ՌԻԱ Նովոստի-ն։
Քաղաքական գործիչը հայտարարել է, որ սատարում է նախագահ Էմանուել Մակրոնի այն դիրքորոշումը, որ Եվրոպայում կայունության հասնելու համար անհրաժեշտ է «պարզել» Ռուսաստանի հետ հարաբերությունները։
«Եթե մենք շարունակենք Ռուսաստանի մեկուսացումը, նա կմոտենա Չինաստանին, եւ մենք կմնանք ճամփեզրին»,- France Info ռադիոկայանի եթերում հայտարարել է Մարիանին։
Նա ընդգծել է, որ Ռուսաստանի հետ հարաբերությունների կարգավորման ճանապարհին առաջին գործողությունը պետք է լինի պատժամիջոցների չեղարկումը, կամ՝ մեղմացումը։
Ռուսաստանի եւ Արեւմտյան երկրների միջեւ հարաբերությունները վատացել են Ուկրաինայում եւ Ղրիմի շուրջ իրավիճակի հետ կապված։ Արեւմուտքը, Ռուսաստանին մեղադրելով միջամտելու մեջ, պատժամիջոցներ է սահմանել։ Մոսկվան պատասխան միջոցներ է սահմանել՝ ներմուծման փոխարինման կուրս կիրառելով, եւ բազմիցս հարտարարել է, որ իր հետ պատժամիջոցների լեզվով խոսելն անարդյունավետ է։ Ռուսաստանը նաեւ նշել է, որ ինքը Ուկրաինայում հակամարտության կողմ եւ Մինսկի համաձայնագրում սուբյեկտ չի հանդիսանում, իսկ Ղրիմի հարցը, որը օրինական հանրաքվեից հետո դարձել է ռուսական տարածք, վերջնականապես փակված է։ Վերջին ժամանակներս ԵՄ երկրներում ավելի հստակ է հնչում այն կարծիքը, որ հակառուսաստանյան պատժամիջոցները պետք է չեղարկել, քանի որ դրանք վնասում են առաջին հերթին եվրոպական տնտեսություններին։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Էնցո Ֆերնանդեսը ցանկանում է հեռանալ Չելսիից