«Ավելի լավ է ջրափոսում մեռած ու ընկած մնամ, քան Բրյուսելին խնդրեմ նորից հետաձգել Brexit-ը». Ջոնսոն
Մեծ Բրիտանիայի վարչապետ Բորիս Ջոնսոնը հայտարարել է, որ ոչ մի պարագայում Եվրամիությանը չի դիմի Brexit-ի գործընթացի հետաձգման հարցով: Այս մասին վարչապետը հայտնել է Ուեյքֆիլդ քաղաքում ոստիկանության աշխատակիցների առջև ելույթի ժամանակ, հաղորդում է Sky News հեռուստաալիքը:
«Ես կարծում եմ՝ անհարկի ձգձգումների կարիք չկա, և ես կանեմ հնարավոր ամեն բան, որպեսզի մեր երկիրը ԵՄ-ից դուրս գա հոկտեմբերի 31-ին: Ցավոք, երեկ խորհրդարանը քվեարկեց, ըստ էության, մեզ բանակցելու հնարավորությունից զրկելու և ԵՄ-ի հետ համաձայնության հասնելու կառավարության խնդիրն էապես բարդացնելու օգտին»,- հայտնել է Մեծ Բրիտանիայի վարչապետը:
Ըստ նրա՝ այս իրավիճակից դուրս գալու միակ ելքն արտահերթ խորհրդարանական ընտրություններ անցկացնելն է, չնայած որ սա այն չէ, ինչ ինքը կցանկանար:
Ելույթի ընթացքում Ջոնսոնը նաև հայտնել է, որ ավելի լավ է «ջրափոսում մեռած ու ընկած մնա», քան Բրյուսելին խնդրի նորից հետաձգել Brexit-ը:
Ավելի վաղ Մեծ Բրիտանիայի խորհրդարանը մերժել էր Ջոնսոնի՝ արտահերթ ընտրությունները հոկտեմբերի 15-ին անցկացնելու առաջարկը:
Նույն ելույթի շրջանակում Մեծ Բրիտանիայի վարչապետը նաև խոսել էր եղբոր անակնկալ հրաժարականի մասին և հայտնել, որ Brexit-ն իր ընտանիքում «պառակտումներ» է մտցրել:
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
Երևանի Նոր Արեշ փողոցում տուն է այրվել
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
Փրկարար ծառայությունն ամփոփում է անցած շաբաթը
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի