«Ճիշտ չէ Չինաստանին Ռուսաստանի «մեծ եղբայր» անվանելը». Լավրով
ՌԴ արտաքին գործերի նախարար Սերգեյ Լավրովն «Իզվեստիա»-ին տված հարցազրույցում հայտարարել է, որ ճիշտ չէ Չինաստանին Ռուսաստանի «մեծ եղբայր» անվանելը։
Նրա խոսքով՝ Ռուսաստանն այլ պետությունների հետ հարաբերությունները կառուցում է փոխադարձ շահերի հիման վրա և առանց որևէ թելադրանքի։ Պեկինի հետ հարաբերությունները ևս կառուցվել են նման հիմքով, որոնք հասել են «ռազմավարական աննախադեպ մակարդակի»,նշել է նա։
«Սրանք բազմակողմանի գործընկերության և ռազմավարական փոխգործակցության հիման վրա ստեղծված հարաբերություններ են։ Այս պետությունների հարաբերություններում փոխշահավետ բնույթը ոչ միայն ամրապնդված է բազմաթիվ պայմանագրերով, այլև գործնականում իրականացվում է հետևողականորեն»,-ընդգծել է նախարարը։
Լավրովը հավելել է, որ Պեկինի արտաքին քաղաքականության ռազմավարությունը նույնպես նման սկզբունքների վրա է հիմնված։ Նա հիշեցրել է, որ միջուկային պետություններից միայն Ռուսաստանը և Չինաստանն են հանդես գալիս ՄԱԿ-ի կանոնադրության սկզբունքների պաշտպանության օգտին։
Ռուս-չինական ներկայիս հարաբերությունները պաշտոնապես բնութագրվում են որպես համապարփակ իրավահավասար վստահելի գործընկերություն և ռազմավարական փոխգործակցություն։
Արդյունավետ քաղաքական երկխոսություն է ընթանում։ Այսպես, ՌԴ նախագահ Վլադիմիր Պուտինի և ՉԺՀ առաջնորդի հանդիպումները մշտական բնույթ են կրում՝ նրանք յուրաքանչյուր տարի հանդիպում են տարվա մեջ ոչ պակաս քան 5 անգամ։ Ապրիլին Պուտինն աշխատանքային այցով մեկնել է Չինաստան, որտեղ մասնակցել է «Մեկ գոտի, մեկ ճանապարհ» (Մետաքսի ճանապարհ) երկրորդ միջազգային ֆորումին։ Հունիսին ՉԺՀ առաջնորդ Սի Ցզինփինն այցելել է Ռուսաստան։
Օրինազանց վարորդները հայտնաբերվել են, մեքենաները՝ տեղափոխվել պահպանվող հատուկ տարածք
Ռոմանոս Պետրոսյանը լուսանկարներ է հրապարակել ՀԷՑ-ի բաշխման ցանցի տրանսֆորմատորային ենթակայաններից
Առանց ռուսական նավթի, երբ մոտ է վառելիքի գլոբալ դեֆիցիտը
Հայաստանը՝ միջազգային տեխնոլոգիական համագործակցության նոր հարթակ․ CTBTO-ն առաջին անգամ տարածաշրջանայ...
Մակրոնը ոչ մի բառով չի դատապարտել Իսրայել-ԱՄՆ Իրանի դեմ պատերազմը. Արաղչի
Փոխվարչապետ Մհեր Գրիգորյանի և ԵՄ ընդլայնման հարցերի հանձնակատար Մարթա Կոսի հայտարարությունները
Էապես կրճատվել է այն բնակավայրերի թիվը, որտեղ չկան և հասանելի չեն նախադպրոցական ծառայություններ
Թեհրանի կողմից ԱՄՆ-ի վրա հարձակման վերաբերյալ որևէ հավաստի հետախուզական տվյալ չի եղել
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Էնցո Ֆերնանդեսը ցանկանում է հեռանալ Չելսիից