«Բելառուսը ստիպված է եղել փակել Ուկրաինայի հետ սահմանը»․ Լուկաշենկո
Բելառուսը ստիպված է եղել փակել Ուկրաինայի հետ սահմանը՝ զենքի մեծաքանակ հոսքի պատճառով: Այդ մասին հայտարարել է Բելառուսի նախագահ Ալեքսանդր Լուկաշենկոն, հաղորդում է «ՌԻԱ Նովոստի» գործակալությունը։
«Մենք ստիպված ենք եղել մեր եղբայրների, մեզ հարազատ մարդկանց հետ սահմանն ամբողջովին փակել, ավելի ամուր, քան Հյուսիսատլանտյան դաշինքի հետ, որը մեզ համար միշտ, դեռ հին ժամանակներից թիվ մեկ թշնամին էր թվում»,- հայտարարել է Լուկաշենկոն սեպտեմբերի 3-ին Մինսկում կայացած բարձր մակարդակի կոնֆերանսի ժամանակ, որը նվիրված է եղել նորարարական մոտեցումների կիրառմամբ ահաբեկչությունների դեմ պայքարին։
Նրա խոսքով, եթե զենքը «սովորական մարդկանց և հատկապես ազգայնական տրամադրվածությամբ մարդկանց» ձեռքն ընկնի, ապա «սպասեք ահաբեկչության»։
Անցած տարվա ընթացքում Բելառուսի պետական սահմանապահ կոմիտեի հաղորդման համաձայն՝ Ուկրաինայի հետ սահմանին առգրավվել է ավելի քան 800 միավոր զինամթերք և 76 միավոր զենք։ Այդ ժամանակ Լուկաշենկոն հրահանգել էր ուժեղացնել հսկողությունը երկրի հարավային սահմաններին և չէր բացառել սահմանապահների թվի ավելացումը:
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց