Թուրքիան և Ռուսաստանը բանակցում են Սու-57 կործանիչների ձեռքբերման շուրջ. Էրդողան
Թուրքիան լրջորեն քննարկում է ռուսական արտադրության նորագույն Սու-57 ռազմական ինքնաթիռների ձեռքբերման հեռանկարը: Այս մասին ուրբաթ երեկոյան հայտարարել է Թուրքիայի նախագահ Ռեջեփ Թայիփ Էրդողանը:
Թուրքիայի նախագահի խոսքով՝ պաշտոնական Անկարան այս հնարավորությունը սկսել է դիտարկել այն բանից հետո, երբ Վաշինգտոնը հրաժարվեց Թուրքիային F-35 մակնիշի կործանիչներ վաճառել:
«Եթե Միացյալ Նահանգները շարունակի F-35-ների վաճառքի հարցում նման դիրքորոշում ցուցաբերել, մենք կզբաղվենք այս հարցով: Սու-35 կամ Սու-57 օդանավերը ձեռք բերելուց զատ մենք քննարկում ենք նաև հետևյալ հարցը` ինչ կարող ենք անել մենք Թուրքիայի ռազմական արդյունաբերությունը զարգացելու նպատակով», - նշում էր Էրդողանը:
Թուրքիայի նախագահի խոսքով` բանակցությունները Ռուսաստանի հետ այս պահին շարունակվում են: «Մենք քննարկում ենք գործարքի վարկավորման, ինչպես նաև օդանավերի համատեղ արտադրության հեռանկարները», - РИА "Новости" գործակալության փոխանցմամբ ասել է Թուրքիայի նախագահը:
Սու-57 օդանավերը հինգերորդ սերնդի կործանիչներ են համարվում: Դրանք առայժմ օգտագործվում են բացառապես Ռուսաստանի Զինված ուժերի կողմից:
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
Երևանի Նոր Արեշ փողոցում տուն է այրվել
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Կրեմլը պարզաբանում է ակնկալում Երևանից․ Պեսկով
Փրկարար ծառայությունն ամփոփում է անցած շաբաթը
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի