Վարշավան եւ Վաշինգտոնը պայմանավորվել են Լեհաստանում ԱՄՆ զորքերի տեղակայման վայրերի շուրջ
Վարշավան եւ Վաշինգտոնը պայմանավորվել են Լեհաստանում ամերիկյան զորքերի տեղակայման վայրերի շուրջ, ասել է երկրի պաշտպանության նախարար Մարիուշ Բլաշչակը, տեղեկացնում է Reuters-ը։
«Մենք պայմանավորվել ենք վեց վայրերի մասին եւ քննարկել յոթերորդը»,- ասել է Բլաշչակը ԱՄՆ նախագահի ազգային անվտանգության հարցերով խորհրդական Ջոն Բոլթոնի հետ համատեղ մամուլի ասուլիսում։
Հունիսին Լեհաստանը ստորագրել է համաձայնագիր իր տարածքում ամերիկյան ռազմական ներկայությունն ավելացնելու մասին։ Ռազմական համաձայնագիրը, որը ստորագրվել է հունիսին, նախատեսում է Լեհաստանում ամերիկյան ոչ մշտական զորքերի թվաքանակի ավելացում 1000 մարդով։ Լեհաստանում միջինը մոտ 4500 ամերիկյան զինծառայող է գտնվում՝ ՆԱՏՕ ուժերի կազմում փոխատեղման հիման վրա։
«Լեհաստանը ԱՄՆ եւ ՆԱՏՕ կարեւոր գործընկերն է, որը ՀՆԱ ավելի քան 2 տոկոսը հատկացնում է պաշտպանությանը»,- ասել է Բոլթոնը մամուլի ասուլիսում։
Նա ավելացրել է, որ Դոնալդ Թրամփի այցը, որը հետաձգվել է «Դորիան» փոթորկի պատճառով, կկայանա մոտ ժամանակներս։ Թրամփը պետք է Լեհաստան այցելեր՝ մասնակցելու Երկրորդ համաշխարհային պատերազմի 80-րդ տարելիցի միջոցառումներին։ Նրա փոխարեն Լեհաստան կգա փոխնախագահ Մայքլ Փենսը։
ԱԺ նախագահի որոշմամբ կգումարվի ԱԺ արտահերթ նիստ
Արհեստների միջազգային 5-րդ փառատոնն այս տարի կանցկացվի Մեղրիում
Երևանի Նոր Արեշ փողոցում տուն է այրվել
Կրեմլը պարզաբանում է ակնկալում Երևանից․ Պեսկով
«Թուրքական ավիաուղիներ»-ի ինքնաթիռի անվադողերը վայրէջքի ժամանակ բռնկվել են
Քանի օրով արձակուրդ կգնան 27-37 տարեկանում կրճատ ժամկետով պարտադիր զինծառայություն անցնողները. նախագ...
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Փրկարար ծառայությունն ամփոփում է անցած շաբաթը
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
ԵՄ-ն Հորդանան գետի արևմտյան ափի հրեաների դեմ պատժամիջոցներ կսահմանի