Սլովակիան մտահոգ է Սերբիայի՝ ԵՏՄ-ի հետ համաձայնագիր ստորագրելու մտադրությունից
Բելգրադի մտադրությունը՝ հոկտեմբերին համաձայնագիր ստորագրել ԵՏՄ-ի հետ, հարցեր է առաջացնում, դա չի մերձեցնում Սերբիան ԵՄ-ին, ասել է Սլովակիայի ԱԳ նախարար Միրոսլավ Լայչակը, տեղեկացնում է ՌԻԱ «Նովոստի»-ն։
Լայչակը մասնակցում է ԵՄ երկրների ԱԳ նախարարների՝ Հելսինկիում ընթացող ոչ ֆորմալ բանակցություններին։ Լրագրողները հարցրել են նրան, թե արդյոք ԵՄ-ում չեն անհանգստանում ԵՏՄ-ի հետ Սերբիայի համաձայնագիր կնքելու պլաններից։
«Դա մտածել է տալիս։ Դուք չեք կարող միաժամանակ շարժվել մի քանի ուղղություններով։ Եթե դուք լրջորեն տրամադրված եք ձեր եվրոպական ուղղության հարցում, ապա, իհարկե, պետք է ընդունեք քաղաքական որոշումներ, որոնք ձեզ մոտեցնում են, իսկ այդ որոշումը դրանց թվին չի պատկանում»,- ասել է Լայչակը լրագրողներին։ Հեռարձակումը վարել է ԵՀ մամուլի ծառայությունը։
Ավելի վաղ Սերբիայի փոխվարչապետ Ռասիմ Լյայիչը հայտարարել էր, որ Սերբիայի եւ ԵՏՄ-ի միջեւ ազատ առեւտրի մասին համաձայնագիրը նախատեսվում է ստորագրել հոկտեմբերի վերջին Մոսկվայում։ Ընդ որում՝ Լյայիչը տեղեկացրել է, որ Սերբիան կարող է եւ կստորագրի համաձայնագիր եւ կաջակցի ազատ առեւտրի ռեժիմին բոլոր պետությունների եւ կազմակերպությունների հետ մինչեւ ԵՄ մտնելն ու լիիրավ անդամակցությունը։
Արվեստանոց՝ սեփական գյուղում
Կրկեսը՝ մանկության երազանքից մինչև մարզային բեմեր
82-ամյա Մայքլ Դուգլասը հանրության առաջ է ներկայացել Քեթրին Զետա-Ջոնսի հետ ամուսնությունից ծնված իր ե...
Հեռուստահաղորդավարուհուն գտել են արյան մեջ՝ իր ննջասենյակում. ամուսինը ձերբակալվել է սպանության կասկ...
Կարևոր է, որ հայության ներկայացուցիչներն իրենց նույնականացնեն ՀՀ-ի հետ
Նոր ավտոբուսների ձեռքբերումը ենթադրում է նաև Երևանում առանձնացված գծերի մասով վերջնական լուծումներ
Էլեկտրաէներգիայի ընդհատումներ կլինեն Երևանում և մարզերում․ հասցեներ
Սիթի ՍՊ ընկերության մի քանի աղցանի արտադրությունը կասեցվել է
Մելանշոնը հավանական առաջատար թեկնածուներից մեկն է
Ամերիկան պատմության մեջ հսկայական քայլ հետ կատարեց