Իտալիայի ԱԳ նախարարն առաջարկել է Ռիչարդ Գիրին իր հետ Հոլիվուդ տանել միգրատներին

Իտալիայի փոխվարչապետ եւ ԱԳ նախարար Մատեո Սալվինին առաջարկել է հոլիվուդյան աստղ Ռիչարդ Գիրին «մասնավոր ինքնաթիռով» տանել իր հետ 160 միգրանտներին, որոնք գտնվում են իսպանական հումանիտար նավի մեջ Միջերկրական ծովում, երբ դերասանը խնդրանքով դիմել է եվրոպական առաջնորդներին նավահանգիստ գտնել նավի համար, գրում է Bloomberg-ը։

Գիրը միացել է Open Arms հասարակական կազմակերպության ներկայացուցիչներին Լամպեդուզա կղզում կայացած մամուլի ասուլիսի ժամանակ։ Սալվինին հրաժարվել է թույլ տալ նավին մուտք գործել Իտալիայի ջրեր։

«Քանի որ մեծահոգի միլիարդատերը բարձրաձայնում է իր պահանջները Open Arms-ի միգրանտների ճակատագրի մասին, մենք շնորհակալություն ենք հայտնում նրան․ նա կարող է բոլորին տանել մասնավոր ինքնաթիռով Հոլիվուդ եւ պահել նրանց իր առանձնատներում»,-հայտարարել է Սալվինին Գիրի մամուլի ասուլիսից հետո նրան ուղղված ուղերձում։

Սալվինին հայտնի է միգրացիոն քաղաքականության ոլորտում իր կոշտ մոտեցումներով։ Այժմ նա արգելում է Հյուսիսային Աֆրիկայից ժամանած միգրանտներին մուտք գործել Իտալիա Միջերկրական ծովով։

Open Arms-ի հումանիտար նավը, որում գտնվում է ավելի քան հարյուր միգրանտ, արդեն մեկ շաբաթից ավելի ծովում է՝ Իտալիայի ափերի մերձակայքում։ Ռիչարդ Գիրը սննդամթերք էր տարել նավում գտնվող միգրանտներին։

Լուրեր Հայաստանից - NEWS.am