Մեծ Բրիտանիան ողջունել է Սկրիպալների թունավորման գործի առնչությամբ ԱՄՆ-ի՝ Ռուսաստանի նկատմամբ սահմանած նոր պատժամիջոցները
Մեծ Բրիտանիայի արտգործնախարարությունը ողջունել է ԱՄՆ-ի կողմից Սկրիպալների թունավորման գործի առնչությամբ Ռուսաստանի նկատմամբ սահմանված նոր պատժամիջոցները:
«Մենք ողջունում ենք Ռուսաստանի կողմից Սոլսբերիում մահացու նյարդակաթվածահար նյութի գործածմանն ի պատասխան ԱՄՆ-ի պատժամիջոցները և այդ երկրի կողմից ցուցաբերվող անսասան աջակցությունը»,- թիվթերյան իր էջում գրել է Մեծ Բրիտանիայի արտգործնախարար Դոմինին Ռաաբը՝ նշելով, որ չի պատրաստվում կանգնել ու նայել, թե ինչպես է այդ «սարսափելի զենքը» կիրառվում առանց որևէ հետևանքների:
Ավելի վաղ ամերիկյան կողմը հայտնել էր գործի առնչությամբ Ռուսաստանի նկատմամբ պատժամիջոցների երկրորդ փաթեթի մասին: Պատժամիջոցները պայմանավորված են նրանով, որ Մոսկվան, Վաշինգտոնի պնդմամբ, «երաշխիքներ չի ներկայացրել ամերիկյան օրենքի շրջանակներում»: Խոսքը «քիմիական և կենսաբանական զենքի վերահսկման» օրենքի մասին է, որը կիրառվել է Սոլսբերիում տեղի ունեցած դեպքի առնչությամբ:
Պատժամիջոցների առաջին փաթեթը Սկրիպալների գործով սահմանվել էր անցյալ տարվա օգոստոսի 27-ին:
Հիշեցնենք, որ ՌԴ հետախուզության նախկին գործակալ Սերգեյ Սկրիպալը և նրա դուստրը թունավորվել էին 2018-ի մարտին`բրիտանական Սոլսբերիում: Լոնդոնը կատարվածի մեջ մեղադրում է Ռուսաստանին, ինչը Մոսկվան կտրականապես հերքում է:
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել