Կանադայում զբոսաշրջիկը դանակով հետ է մղել գրիզլի արջի հարձակումը
Միայն դանակով զինված զբոսաշրջիկը կարողացել է Բրիտանական Կոլումբիա կանադական նահանգում ամերիկյան գորշ արջի հետ գոտեմարտում ողջ մնալ, տեղեկացնում է ՏԱՍՍ-ը՝ հղում կատարելով CTV-ին։
Միջադեպը տեղի է ունեցել երկուշաբթի, անտառում, Փաուել Ռիվեր քաղաքից 180 կիլոմետր հյուսիս-արեւելք։ Գիշատիչը հարձակվել է տղամարդու վրա անտառային արահետներից մեկում։ Միայն դանակով զինված զբոսաշրջիկը կարողացել է մի քանի հարված հասցնել գրիզլիին, ինչից հետո արջը փախել է։
Հաշմված տղամարդը ինքնուրույն հասել է մինչեւ մոտակա ճամբար, որտեղ նրան առաջին բուժօգնություն են ցուցաբերել եւ կանչել են փրկարարներին։ Ներկայում զբոսաշրջիկը ծանր վիճակում գտնվում է հիվանդանոցում, բայց նրա կյանքն արդեն վտանգից դուրս է։ Հատուկ ծառայություններն այժմ փորձում են գտնել գիշատչին այն տեղում, որտեղ նա հարձակվել է մարդու վրա։ Նման դեպքերից հետո Կանադայում վայրի կենդանիներին միշտ սպանում են, որպեսզի նրանք չկարողանան նորից հարձակվել մարդկանց վրա։
Մարդկանց վրա արջերի հարձակումները Կանադայում բավական հազվադեպ են եւ, որպես կանոն, տեղի են ունենում անտառներում։ Սովորաբար տարեկան մի քանի դեպք է գրանցվում։ Բացի այդ, ամեն տարի կանադական ԶԼՄ-ները տեղեկացնում են քաղաքներում կենդանիների հայտնվելու մի քանի դեպքերի մասին։ Ամենից հաճախ դա տեղի է ունենում Բրիտանական Կոլումբիա նահանգում. ամռանը երաշտի կամ անտառային հրդեհների պատճառով այդ վայրերում գիշատիչների կերը պակասում է։ Այսպես, մի քանի տարի առաջ արջերը գիշերները «գրոհել» են մեքենաների վրա Վանկուվերի արվարձանում, որոնցում մեքենաների տերերը ուտելիք էին թողել։ Այդ ժամանակ գիշատիչների հարձակումներից տուժել էր միայն ավտոտրանսպորտը։
Անցած տարվա սեպտեմբերին անսպասելի էր արջի հայտնվելը Օտտավայի հենց կենտրոնում։ Գազանը հայտնաբերվել էր գիշերը, Բայ Ուորդ կենտրոնական շուկայի շրջանում, իսկ ոստիկանության գալուց հետո թաքնվել էր ոստիկաններից՝ ծառը բարձրանալով։ Այնտեղ նրան քնեցրին շրջակա միջավայրի պահպանության գերատեսչության մասնագետները, ինչից հետո հրշեջներն օգնեցին իջեցնել քնած արջին ծառից։ Ավելի ուշ նրան բաց թողեցին արգելոցներից մեկում։
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Փեզեշքիան. ԱՄՆ ագրեսիան ոչնչացնում է համաշխարհային իրավական համակարգը
Էս լրիվ գողական եք հա՞ գնում․ ԱԺ ում լարված մթնոլորտ է
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա