Ղազախստանում գաղութի 14 աշխատակիցներին պատժել են բանտարկյալներին խոշտանգելու համար

Ալմաթի մարզի Զարեչնոյե գյուղում բանտարկյալներին խոշտանգելու համար ԼԱ-155/8 գաղութի ղեկավարը հեռացվել է պաշտոնից, հաղորդում է Tengrinews.kz-ը:

«ՔԿՀ կոմիտեն ծառայողական քննություն է իրականացրել, որի արդյունքներով մենք կարգապահական հանձնաժողովի նիստ անցկացրեցինք: Պատժվել է Ալմաթի մարզի ՔԿՀ կոմիտեի 14 աշխատակից: Նրանցից 7-ը աշխատանքից հեռացվել են: Զբաղեցրած պաշտոնից ազատվել է ԼԱ-155/8 գաղութի ղեկավարը, որտեղ տեղի է ունեցել միջադեպը: Նրա երկու տեղակալները աշխատանքից ազատվել են:

Խիստ կարգապահական պատասխանատվության է ենթարկվել նաեւ մարզի ՔԿՀ դեպարտամենտի ղեկավարությունը:

«Youtube-ում ԼԱ-155/8-ում նկարահանված տասնյակ տեսանյութեր են տեղադրվել, այդ թվում հաստատությունում անօրինական իրադարձությունների մասին: Պարզվել է, որ երկու տեսանյութերում գրանցվել են հաստատության աշխատակիցների կողմից դատապարտյալների նկատմամբ բռնության կիրառման փաստեր:

Մենք հաշվեցինք, մոտ 40 տեսանյութ կա: Այդ փաստերով քրեական գործ է հարուցվել, ըստ հերթականության փոխանցվել Ալմաթի մարզի դատախազություն», - ասել է ՔԿՀ կոմիտեի նախագահի առաջին տեղակալ Թենիսժան Ջանիբեկովը:

Նրա խոսքով՝ այս տարի ամբողջ երկրում ՔԿՀ կոմիտեի համակարգում 21 մարդ ենթարկվել է քրեական պատասխանատավության տարբեր տեսակների։ Նրանք պատժվել են տարբեր հանցագործությունների պատճառով։ Ջանիբեկովը տեղեկացրել է, որ գերատեսչությունում դրա դեմ պայքարում ու բացահայտում են անփույթ աշխատակիցներին։ Տեսագրությունը հրապարակել են YouTube-ում։ Հեղինակը նկարահանել է թաքնված տեսախցիկով։ Կադրերում երեւում է, թե ինչպես են գաղութի աշխատակիցները մարզադահլիճի հատակին հարվածում բանտարկյալներից մեկին։ Հարեւան շինությունում համազգեստով երեք աշխատակից ձեռքերից կախել էին եւս մեկ մարդու։ Նրանցից մեկը ծնկով հարվածում է նրա գլխին։ Կադրերում կարելի է տեսնել նաեւ այլ բանտարկյալների եւ պահապանների։ Ավելի վաղ տեղեկացվել էր, որ կտտանքների վիդեոն Ալմաթիի մոտ գտնվող գաղութում կստուգի ՆԳՆ-ն։

«Ցանցում տեղադրվել են տեսագրություններ Ալմաթիի մարզի Քրեակատարողական համակարգի դեպարտամենտի ԼԱ-155/8 (Զարեչնի գյուղ) հաստատության աշխատակիցների եւ այդ գաղութում պատիժ կրող դատապարտյալների անիրավաչափ գործողությունների մասին»,- ասել են ՆԳՆ-ում։

Բաժանորդագրվեք Top-News.am-ին Telegram-ում