Բարսելոնայի օդանավակայանում գործադուլի պատճառով 62 չվերթ է չեղարկվել

Իսպանիայի Կատալոնիա ինքնավար մարզի կենտրոն Բարսելոնա քաղաքի օդանավակայանում Iberia ավիաընկերության աշխատակիցները գործադուլ են արել, ինչը 62 չվերթի չեղարկման է հանգեցրել։ Իրավիճակն ավելի է բարդացրել հորդառատ անձրևը, որի պատճառով օդանավակայանը մոտ կես ժամ մնացել է կաթվածահար վիճակում, գրում է РИА Новости-ն։

Ինչպես հաղորդում է Իսպանիայի Arena պետական ընկերությունը, որի տնօրինության տակ են գտնվում երկրի բոլոր օդանավակայանները, Բարսելոնայի օդանավակայան աշխատանքները մեկ ժամ անց լիովին վերականգնվել են, սակայն շատ չվերթներ հետաձգվել են։

Ընկերության տվյալներով՝ վաղը գործադուլի պատճառով նախատեսվում է 73 չվերթ չեղարկել։ Այսօր և վաղը չեղարկվող ընդհանուր առմամբ 135 չվերթներից 122-ը Vueling ավիաընկերությանն են պատկանում։

Հայտնի է, որ Iberia-ի օդային ծառայություններում ընդհանուր առմամբ 2700 աշխատակից է ներգրավված։ Ավիաընկերության ղեկավարությանը չի հաջողվել համաձայնության գալ աշխատակիցների հետ, որոնք պահանջում են փոփոխություններ մտցնել աշխատանքային պայմանագրերի մեջ և ծանրաբեռնվածության պատճառով ընդլայնել անձնակազմը։