Սպիտակ տնից հայտնել են Թրամփի և Զելենսկու հեռախոսազրույցի մասին

ԱՄՆ և Ուկրաինայի նախագահներ Դոնալդ Թրամփն ու Վլադիմիր Զելենսկին հեռախոսազրույց են ունեցել, որի ընթացքում քննարկել են համագործակցությունը էներգետիկայի և տնտեսության ոլորտներում: РИА Новости-ի փոխանցմամբ՝ այս մասին ասվում է Սպիտակ տան հաղորդագրության մեջ:

«Այսօր նախագահ Դոնալդ Թրամփը զանգահարել է Ուկրաինայի նախագահ Վլադիմիր Զելենսկուն, որպեսզի շնորհավորի նրան վերջերս կայացած ընտրությունների արդյունքների համար: Նախագահները քննարկել են երկու երկրների միջև հարաբերությունների ամրապնդման միջոցները, այդ թվում՝ էներգետիկ և տնտեսական համագործակցության ոլորտում»,- ասվում է Սպիտակ տան հաղորդագրության մեջ:

Նշվում է, որ առաջնորդներն ընդգծել են, որ անհամբերությամբ են սպասում հանդիպելու հնարավորությանը:

Բաժանորդագրվեք Top-News.am-ին Telegram-ում