ԵՄ-ում անտառների անհետացման խնդիրներով կզբաղվի հատուկ կազմակերպությունը

Եվրամիությունում նոր կազմակերպություն կհայտնվի, որը կզբաղվի մոլորակի վրա անտառների անհետացման խնդիրներով, հաղորդում է «Եվրոպուլս»-ը:

Այն կփորձի նվազեցնել ԵՄ-ում ապրանքների կիրառումը, որոնց պատրաստման համար անտառներ են հատվում: Հարթակի փորձագետները խորհուրդներ կտան նոր օրենքներ ստեղծելու մասին, որոնք եվրոպացիներին ազդակ կհաղորդեն՝ ավելի «կանաչ» ապրանքներ գնելու համար:

Նշվում է, որ դա աշխարհում անտառների հատման դեմ պայքարի մասին Եվրահանձնաժողովի նոր ծրագրի կետերից մեկն է: Բացի այդ, ԵՄ իշխանությունները մտադիր են համագործակցել արտադրող երկրների հետ, հասնել միջազգային առեւտրի ոլորտում կոշտ միջոցների, զարգացնել գյուղատնտեսությունն ու օգնել այդ մշակումները ներդնել երկրներում, որտեղ ամենից շատն են անտառներ հատում, ինչպես նաեւ եվրոպացիներին տեղեկացնել անտառների օգուտի մասին: