Նիդեռլադներում ռեկորդային բարձր ջերմաստիճան է գրանցվել

Նիդեռլադներում հուլիսի 24-ին ռեկորդային բարձր ջերմաստիճան է գրանցվել: Այս մասին հայտնում է Նիդերլանդների թագավորական ինստիտուտը:

Տեղական ժամանակով ժամը 15:00-ին Հյուսիսային Բրաբանդ մարզի Գիլզե-Ռեյեն գյուղում ջերմաստիճանը բարձրացել է մինչև 38,8 աստիճան: Նախորդ ռեկորդը գրանցվել էր 1944թ. օգոստոսի 23-ին՝ 38.6 աստիճան:

Հուլիսի 23-ին Համաշխարհային օդերևույթաբանական կազմակերպությունը հայտնել է, որ եվրոպական մի շարք երկրներում, մասնավորապես, Գերմանիայում, Բելգիայում, Նիդերլանդներում, Ֆրանսիայում և Շվեյցարիայում սպասվում է մինչեւ 40 աստիճան ջերմաստիճան: