«Միսս Մոսկվա» մրցույթի հաղթողին կասկածում են թագավորին դավաճանելու մեջ

Մալայզիայի նախկին թագավոր Մուհամադ V-ի փաստաբանը հաստատել է, որ իր պաշտպանյալն ամուսնալուծվել է «Միսս Մոսկվա» մրցույթի հաղթող Օքսանա Վոևոդինայի հետ:

Փաստաբանը նշել է, որ որոշումը հաստատել է Քելանթանի շարիաթական դատարանը: Նա նաև կասկածի տակ է դրել այն, որ նախկին թագավորն է Վոևոդինայից ծնված երեխայի հայրը: Փաստաբանի խոսքերով՝ առայժմ չկան փաստացի ապացույցներ, որ Մուհամադն է երեխայի կենսաբանական հայրը:

Մինչդեռ ինքը՝ Վոևոդինան, շարունակում է հերքել ամուսնալուծության մասին լուրերը: Սինգապուրի շարիաթական դատարանը ևս հերքում է ամուսնալուծության մասին լուրերը՝ պնդելով, որ զույգը բաժանության մասին փաստաթղթեր չի ներկայացրել, մինչդեռ տեղեկություն էր տարածվել, թե հենց Սինգապուրի դատարանում է քննվել այս գործը:

2018-ին տեղեկություն տարածվեց, որ Մալայզիայի թագավորն ամուսնացել է Վոևոդինայի հետ, որը 2015 թվականին հաղթել էր «Միսս Մոսկվա» մրցույթում: Այս հունվարին Մուհամադը կորցրեց թագավորի աթոռը, սակայն պահպանեց Քելանթանի սուլթանի տիտղոսը:

Բաժանորդագրվեք Top-News.am-ին Telegram-ում