Ուկրաինայի Գերագույն Ռադա անցնում է 5 կուսակցություն. առաջատարը «Ժողովրդի ծառա»-ն է

Ուկրաինայում ավարտվել է արտահերթ խորհրդարանական ընտրությունների քվեարկությունը: Ինչպես հաղորդում է РИА Новости-ն, առաջին հրապարակված արդյունքների համաձայն՝ Գերագույն ռադայի ընտրություններում առաջատարն է Զելենսկիի «Ժողովրդի ծառա» կուսակցությունը:

Ազգային էքզիթ փոլը վկայում է, որ խորհրդարան է անցնում 5 կուսակցություն, իսկ առաջատար «Ժողովրդի ծառա» կուսակցությունը ստանում է ձայների 43.9 տոկոսը:

Ըստ «112 Украина» հեռուստաալիքի անցկացրած հարցման՝ նախագահի կուսկացությունը ստանում է ձայների 42.7 տոկոսը, «Ընդդիմադիր հարթակ՝ հանուն կյանքի» միավորումը երկրորդն է ձայների 12.9 տոկոսով: Պորոշենկոյի կուսակցությունը ստանում է 8.8 տոկոս ձայն, Տիմոշենկոյի կուսակցությունը՝ 8.5 տոկոս, Սվյատոսլավ Վակարչուկի «Գոլոս» կուսակցությունը՝ 6.5 տոկոս:

Հաղորդվում է, որ նախագահ Վլադիմիր Զելենսկին շնորահակալություն է հայտնել ուկրաինացիներին իր կուսակցությանն աջակցելու համար: