Գեղեցկության մրցույթի մասնակիցը ժյուրիին զարմացրել է լողազգեստի ընտրությամբ

«Միսս Անգլիա» գեղեցկության մրցույթի մասնակից, մուսուլման Այշա Խանը զարմացրել է ժյուրիի անդամներին լողազգեստի ընտրությամբ:

Ինչպես գրում է РИА Новости-ն, մրցույթի ընտրական փուլի ժամանակ աղջիկը որոշել է բիկինի չկրել և դրա փոխարենը լուսանկարվել հիդրոկոստյումով: Դա նրան չի խանգարել հայտնվելու եզրափակիչ փուլ անցած մասնակիցների 20-յակում:

Խանի խոսքով՝ ինքը հարմարավետ չի զգում չափազանց բաց հագուստով: Աղջիկն ընդգծել է, որ որոշել է հիդրոկոստյում հագնել ոչ կրոնական համոզմունքներից ելնելով:

«Հպարտ եմ նրանով, որ հավատարիմ եմ մնացել ինքս ինձ ողջ մրցույթի ընթացքում և ոչինչ չեմ արել, որը կհակասեր իմ բարոյական արժեքներին», - ասել է 21-ամյա Խանը:

Նրա խոսքով՝ իր այդ քայլն օգնել է առանձնանալ մյուս բոլոր աղջիկներից:

Այս տարի Խանը ճանաչվել է «Միսս Լանկաշիր», ինչն էլ նրան հնարավորություն է տվել մասնակցելու համազգային մրցույթին:

Բաժանորդագրվեք Top-News.am-ին Telegram-ում