Սաակաշվիլին մեկնաբանել է «Ռուսթավի 2» հեռուստաալիքի լրագրողի պահվածքը

Վրաստանի նախկին նախագահ Միխեիլ Սաակաշվիլին կարծում է, որ Ուկրաինան չպետք է կրկնի վրաց լրագրողների «մեթոդները»: Այդ մասին նա ասել է ZIK հեռուստաալիքի եթերում, հաղորդում է РИА Новости-ն:

«Երկար տարիներ նրանք («Ռուսթավի 2» հեռուստաընկերության տերերը) անընդմեջ իմ հասցեին տարբեր վիրավորանքներ են հնչեցրել, դա նրանց մեթոդն է: Կարծում եմ՝ մենք չպետք է հետևենք այդ մեթոդին»,- ասել է Սաակաշվիլին՝ հավելելով, որ վրացի լրագրողն անտեղի է հիստերիայի մեջ ընկել:

Նա նաև հերքել է իր հնարավոր կապը «Ռուսթավի 2» հեռուստաընկերության հետ՝ նշելով, որ այն երբեք իրեն չի պատկանել:

Ավելի վաղ ՌԴ ԱԳՆ հատուկ ներկայացուցիչ Մարիա Զախարովան հայտարարել էր, որ ՌԴ նախագահ Վլադիմիր Պուտինին վիրավորելու դեպքը կապված է Միխեիլ Սահակաշվիլու հետ, որը կարող է «Ռուսթավի 2» հեռուստաալիքն օգտագործել իր քաղաքականության և նախընտրական քարոզչության համար: