Մակրոնն Իրանին կոչ է արել անմիջապես կրճատել ցածրհարստացված ուրանի պաշարները
Ֆրանսիայի նախագահ Էմանուել Մակրոնը երեքշաբթի Իրանին կոչ է արել «անմիջապես» կրճատել ցածրհարստացված ուրանի պաշարները, փոխանցում է «Ֆրանս Պրես» գործակալությունը՝ վկայակոչելով Ելիսեյան պալատի հայտարարությունը:
Ավելի վաղ ԱԷՄԳ-ը Թեհրանից հնչած հայտարարություններից հետո հաստատել էր, որ Իրանը ցածրհարստացված ուրանի պաշարների առաստաղը 300 կգ-ով բարձրացրել է: Իրանը նախկինում ասում էր, որ իրեն չի կապկպում ցածրհարստացված ուրանի պաշարների պահման պարտավորություններով: ՌԴ ԱԳ փոխնախարար Սերգեյ Ռյաբկովը, սա մեկնաբանելով, հայտարարել էր, որ Իրանի այս քայլն անսպասելի չէր, քանի որ 300 կգ-անոց «սահմանը» վերաբերում է կամավոր պարտավորությունների կարգին, որոնք Իրանն ընդունել է միջուկային գործարքի շրջանակում:
Հաղորդվում է, որ Ֆրանսիայի նախագահը «մտահոգությամբ» է նշել ԱԷՄԳ-ի հայտարարությունը եւ «Իրանին կոչ է արել անհապաղ վերադարձնել բարձրացումը, ինչպես նաեւ զերծ մնալ բոլոր լրացուցիչ միջոցներից, որոնք սպառնալիքի տակ են դնում նրա միջուկայի պարտավորությունները»:
Մայիսի 8-ին՝ միջուկային գործարքից ԱՄՆ-ի դուրս գհալու մեկամյակին Իրանը հայտարարել էր իրանական միջուկային ծրագրի համաձայնագրի մի շարք կետերի կատարումը դադարեցնելու մասին, որոնք առնչվում են հարստացված ուրանի եւ ծանր ջրի պաշարներին:
Իրանում ընդունված միջոցները պատճառաբանել էին միջուկային գործարքի ԱՄՆ խախատումներով եւ Վաշինգտոնի կողմից Թեհրանի դեմ պատժամիջոցների սահմանմամբ, ինչպես նաեւ համաձայնագրում մնացած անդամների (Գերմանիա, Ֆրանսիա, Մեծ Բրիտանիա, Չինաստան եւ Ռուսաստան)՝ ծագած խնդիրները պատշաճ կերպով լուծելու անընդունակությամբ: Այս կապակցությամբ Իրանը նշված երկրներին 60 օր ժամկետ էր տրվել Իրանի շահերի ապահովմանն համար՝ միաժամանակ խոստանալով վերադառնալ դադարեցված պարտավորությունների կատարմանը, եթե նրանց հաջողվի լուծել ԱՄՆ գործողությունների պատճառով առաջացած խնդիրները:
Հաջորդ փուլում (սկսվում է հուլիսի 7-ից), եթե միջուկային գործարքի անդամ երկրները նշված ժամկետում չապահովեն Իրանի շահերը, Թեհրանը հայտարարել է Արաքում ռեակտորի արդիականացման դադարեցման պատրաստակամության եւ ուրանի հարստացման մակարդակում սահմանափակումներից հրաժարվելու մասին:
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ՄԻՊ-ը հայտարարում է «Առողջության պահպանման իրավունք» խորագրով մրցույթ
Ուկրաինական AI դրոնները կաթվածահար են անում մատակարարման ուղիները
Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին
Ուկրաինայի հակակոռուպցիոն գերատեսչությունները հայտարարել են կազմակերպված խմբի բացահայտման մասին
Նախագահ Վահագն Խաչատուրյանին իր հավատարմագրերն է հանձնել Հայաստանում Ալժիրի Ժողովրդավարական Ժողովրդա...