Ռուսաստանում հեղեղումների զոհերի թիվը հասել է 14-ի

Ռուսաստանի Իրկուտսկի շրջանում հորդառատ անձրևների առաջացրած հեղեղումների հետևանքով զոհերի թիվը հասել է 14-ի, առնվազն 13 մարդ այս պահին համարվում է անհետ կորած:

Ռուսաստանի արտակարգ իրավիճակների նախարարությունը հայտնել է, որ 191 մարդ, այդ թվում՝ 38 երեխա, տեղափոխվել է հիվանդանոցներ:

Փրկարարներն օգնություն են ցույց տվել շուրջ 24 հազար բնակիչների: Հազարավոր տներ ավերվել են:

Ավելի քան 2 հազար մարդ տարհանվել է հեղեղումների գոտուց, որտեղ իշխանություններն արտակարգ դրություն են հայտարարել: