ՀԱՊԿ ԽՎ-ն մշակում է վիրտուալ արժույթի շրջանառության կարգավորման հանձնարարականներ
Հավաքական անվտանգության պայմանագրի կազմակերպության Խորհրդարանական վեհաժողովը (ՀԱՊԿ ԽՎ) աշխատում է տեղեկատվական անվտանգության մոդելային օրենքի եւ վիրտուալ արժույթի շրջանառության կարգավորման հանձնարարականների վրա: Այս մասին հայտնել է ՀԱՊԿ ԽՎ պատասխանատու քարտուղարի պաշտոնակատար Սերգեյ Պոսպելովը, փոխանցում է ՏԱՍՍ-ը:
«Այսօր շարունակում ենք աշխատանքը տեղեկատվական անվտանգության մոդելային օրենքի վրա, տեղեկատվական անվտանգության ապահովման ոլորտում հանցակազմերի եւ վարչական իրավախախտումների հանձնարարվող թվարկումների վրա, նույնիսկ հանձնարարականներ ենք մշակում վիրտուալ արժույթի շրջանառության կարգավորման վերաբերյալ»,- ասել է Պոսպելովը՝ ելույթ ունենալով Պետդումայի նախաձեռնած «Պառլամենտարիզմի զարգացում» 2-րդ միջազգային համաժողովի շրջանակում միջազգային անվտանգության սեկցիայում:
Նա հավելել է, որ մոդելային օրենքների ստեղծման հետեւում կազմակերպության անդամ երկրների ազգային օրենսդրություններում դրանց իրականացման գործընթացն է, այս հարցում «որոշ դժվարություններ կան»:
«Առաջարկներից մեկով տարածաշրջանային եւ խոշոր միջազգային կառույցների մոդելային օրենսդրության ստեղծմանը պետք է մասնակցեն բոլոր երկրների իրավասու փորձագետները, որպեսզի արդեն ստեղծման գործընթացի փուլում ամրագրվեն ազգային օրենսդրության կոնկրետ իրավական ակտեր»,- շեշտել է Պոսպելովը:
ՀԱՊԿ-ի մեջ են մտնում Հայաստանը, Բելառուսը, Ղազախստանը, Ղրղզստանը, Ռուսաստանը եւ Տաջիկստանը: 2019 թվականին ՀԱՊԿ-ում նախագահում է Ղրղզստանը:
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ՄԻՊ-ը հայտարարում է «Առողջության պահպանման իրավունք» խորագրով մրցույթ
Ուկրաինական AI դրոնները կաթվածահար են անում մատակարարման ուղիները
Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին
Ուկրաինայի հակակոռուպցիոն գերատեսչությունները հայտարարել են կազմակերպված խմբի բացահայտման մասին
Նախագահ Վահագն Խաչատուրյանին իր հավատարմագրերն է հանձնել Հայաստանում Ալժիրի Ժողովրդավարական Ժողովրդա...