«Ռուսական C-400 համակարգերը կմատակարարվեն հուլիսի առաջին կեսին». Էրդողանը բացառել է ԱՄՆ-ի կողմից պատժամիջոցների սահմանումը

Թուրքիայի նախագահ Ռեջեփ Թայիփ Էրդողանը Ճապոնիայում ընթացող «Մեծ քսանյակ»-ի գագաթնաժողովի շրջանակում ելույթ է ունեցել՝ անդրադառնալով ռուսական C-400 զենիթահրթիռային համակարգերի գնման շուրջ ԱՄՆ-ի հետ հարաբերությունների սրմանն ու Վաշինգտոնի կողմից պատժամիջոցների սահմանման հավանականությանը:

Ինչպես նշում է dailysabah.com-ը, Էրդողանը հայտարարել է, որ ԱՄՆ նախագահ Դոնալդ Թրամփից տեղեկացել է, որ ռուս-թուրքական գործարքի հետևանքով Վաշինգտոնը Թուրքիայի նկատմամբ պատժամիջոցներ չի սահմանի:

«Ես ևս չեմ կարծում, որ ռազմավարական երկու գործընկերների դեպքում նպատակահարմար է մեկը մյուսի նկատմամբ նման քայլերի ձեռնարկումը»,-ասել է Թուրքիայի նախագահը:

Նա հավելել է, որ ռուսական համակարգերը կմատակարարվեն հուլիսի առաջին կեսում: Էրդողանի խոսքով՝ դա չի խանգարի, որպեսզի Անկարան Վաշինգտոնից F-35 կործանիչներ ստանա:

Բաժանորդագրվեք Top-News.am-ին Telegram-ում