Խաֆթարը սպառնում է հարձակվել Լիբիայում թուրքական օբյեկտների վրա

Լիբիական ազատ բանակի հրամանատար մարշալ Խալիֆա Խաֆթարը սպառնում է հարձակվել Լիբիայում թուրքական օբյեկտների վրա, հաղորդում է AFP-ը:

Նա Թուրքիային մեղադրում է իր հակառակորդներին աջակցելու մեջ:

Կառավարական ուժերն ավելի վաղ հայտարարել էին, որ անսպասելի մարտում ազատագրել են ռազմավարական հետաքրքրություն ներկայացնող Գարյան քաղաքը, որը տեղակայված է երկրի մայրաքաղաք Տրիպոլիից դեպի հարավ:

Խաֆթարը խոստացել է «կոշտ պատասխան» տալ: Կառավարության ներկայացուցչի խոսքով՝ մայրաքաղաքից դեպի հարավ 100 կմ հեռավորության վրա բախումների ժամանակ Խաֆթարի բանակի տասնյակ զինյալներ են սպանվել, եւ առնվազն 18 մարդ գերեվարվել է:

Ապրիլի 4-ին Խաֆթարը հրամայել էր հարձակում սկսել մայրաքաղաքի վրա՝ այն ահաբեկիչներից ազատագրելու համար: Տրիպոլիի իշխանամետ զինված խմբավորումները հայտարարել էին Խաֆթարի դեմ «Զայրույթի հրաբուխ» պատասխան օպերացիայի մասին:

Առողջապահության համաշխարհային կազմակերպության տեղեկություններով՝ մարտերի ընթացքում զոհվել է 450 մարդ, ավելի քան 2100-ը վիրավոր է:

Բաժանորդագրվեք Top-News.am-ին Telegram-ում