Հնարամիտ տղան դրես-կոդը չխախտելու համար աշխատանքի է գնացել կիսաշրջազգեստով

Հոլանդացին շոգ եղանակի պատճառով աշխատանքի է գնացել շրջազգեստով, քանի որ դրես-կոդ է նախատեսված, այն է՝ տղամարդկանց արգելված է գրասենյակ գնալ շորտերով: Այս մասին տեղեկացնում է Lenta.ru-ն:

21-ամյա Պիմ Ստինբերգենը գնացել է կադրերի բաժին՝ պարզելու համար, թե ինչու չի կարող շորտեր կրել: Այնտեղ նրան պատասխանել են, որ շորտեր կրող աշխատակիցները բավարար չափով ներկայանալի չեն: Նույն զրույցի ընթացքում պարզվել է, որ կիսաշրջազգեստ կրելն արգելված չէ, և Ստինբերգենը որոշել է օգտվել այդ հնարավորությունից: Նա նաև իմացել է, որ Սոցիալական հարցերի նախարարությունը թույլ է տալիս կիսաշրջազգեստ կրել, եթե այն շատ կարճ չէ, և եթե «ոտքերի վիճակը» դա թույլ է տալիս:

Իր թվիթերյան էջում տղամարդը ծանոթներից կիսաշրջազգեստ է խնդրել, ներկայացված երեք տարբերակներից ընտրել է երկնագույնը, դրանով էլ ներկայացել աշխատանքը:

«Բոլորն, իհարկե, ծիծաղում էին, բայց գործընկերներս ծիծաղում էին ոչ թե ինձ վրա, այլ այն բանի, թե այս իրավիճակից ինչ ելք կարողացա գտնել»,- ասել է նա՝ հավելելով, որ շատերն իրեն հերոս կոչեցին և գովում էին համարձակության համար:

Երիտասարդը պատմել է, որ իր արտաքինը հուզել է կին ղեկավարին, վերջինս խոստացել է հաջորդ շաբաթ վերանայել կազմակերպության դրես-կոդը:

Op het werk werd erg positief gereageerd, het team staat achter me en is het eens dat een korte broek eigenlijk gewoon zou moeten kunnen. pic.twitter.com/hW8lEM3dzS

— Pimpulsief (@meukmens) 28 июня 2019 г.

Բաժանորդագրվեք Top-News.am-ին Telegram-ում