Օդաչուն ստիպված է եղել ինքնաթիռից ցած նետել ուսումնական ռումբերն ու վառելանյութը

Հնդկաստանի ռազմաօդային ուժերի «Յագուար» անվանումը կրող կործանիչ-ռմբակոծիչը վառելիքի տարաները 7 ուսումնական ռումբերը ցած է նետել Ամբալա քաղաքի վրա:

Ինչպես գրում է Hindustan Times-ը՝ դեպքը տեղի է ունեցել այն բանից հետո, երբ ինքնաթիռի շարժիչներից մեկի մեջ թռչուն է ընկել:

Հաղորդվում է, որ ինքնաթիռն ուղևորվելիս է եղել Հնդկաստանի մեկ այլ նահանգ՝ մասնակցելու ռազմական ուսումնական զորավարժության:

«Տվյալ իրավիճակում օդաչուն որոշում է կայացրել բաց թողնել հավելյալ վառելանյութն ու 10 կիլոգրամ կշռող ուսումնական ռումբերը՝ բարձրություն վերցնելու համար: Ինքնաթիռը բարեհաջող վայրէջք է կատարել»,- աղբյուրին հայտնել է այդ երկրի ռազմական ոլորտի ներկայացուցիչը:

Աղբյուրի փոխանցմամբ՝ բաց թողնված տարաներն ու ռումբերը հայտնաբերվել են:

Դրանք որևէ վնաս չեն պատճառել:

Որևէ տուժածի մասին տեղեկություն չի հաղորդվում:

Դեպքը ներկայում քննվում է:

ԲԱԺԱՆՈՐԴԱԳՐՎԵՔ TOP-NEWS.AM-ԻՆ TELEGRAM-ում