Ձերբակալվել է 93 տարեկան «հանցագործ»

Այս շաբաթ ձերբակալվել է «հատկապես վտանգավոր հանցագործ»՝ 93- ամյա մի տատիկ՝ Ջոզի Բըրդսը, գրում էThe Guardian-ը: 

Նա երբեք օրենքի հետ խնդիրներ չի ունեցել, այդ պատճառով շատ է ցանկացել, որ իրեն ձերբակալեն, «քանի դեռ շատ ուշ չէ»:

Այդ դեպքը կմնար գաղտնի, եթե այդ մասին Twitter-ում չգրեր թոռնիկը ՝ Պեմ Սմիթը: Նա շնորհակալություն է հայտնել Մասաչուսեթսի ոստիկանությանը՝ տատիկի ցանկությունը կատարելու համար: Ջոզին արդեն ծեր է, իրեն այնքան էլ լավ չի զգում, ուստի ցանկացել է «մի վատ բան անել», քանի դեռ ուժերը ներում են:

Twitter-ի օգտատերերին այս պատմությունը դուր է եկել: Հրապարակումը մի քանի օրվա ընթացքում հավաքել է հազարավոր հավանումներ: Մեկնաբանություններում օգտատերերը գովել են տատիկին՝ կյանքի նկատմամբ դրական վերաբերմունքի և դերասանական հմտությունների համար: