Պոմպեոն Իրանն անվանել է ահաբեկչության գլխավոր հովանավոր
ԱՄՆ պետքարտուղար Մայք Պոմպեոն Հնդկաստանի արտաքին գործերի նախարար Սուբրամանիյամ Ջայշանկարի հետ բանակցությունների արդյունքներով հայտարարել է, որ Իրանը ահաբեկչության գլխավոր համաշխարհային հովանավորն է, տեղեկացնում է ՏԱՍՍ-ը՝ հղում կատարելով ANI-ն։
«ԱՄՆ-ը կարծում է, որ Իրանն ահաբեկչության ամենամեծ հովանավորն է աշխարհում։ Կա (Իրանից բխող) սպառնալիքի եւ այդ սպառնալիքը զսպելու անհրաժեշտության ընդհանուր ընկալում, որը վտանգ է ներկայացնում ոչ միայն Մերձավոր Արեւելքի, այլ նաեւ ամբողջ աշխարհի համար»,- ասել է պետքարտուղարը։
Նա նաեւ ավելացրել է, որ ԱՄՆ-ը եւ Հնդկաստանը ընդհանուր նպատակ ունեն երաշխավորելու, որպեսզի «էներգակիրների գները լինեն հարկավոր մակարդակին»։ Իրավիճակն Իրանի շուրջ սրվել է այն բանից հետո, երբ հունիսի 13-ին Օմանի ծոցում երկու լցանավի վրա ենթադրյալ հարձակումից հետո պայթյուններ եւ հրդեհ էին տեղի ունեցել։ ԱՄՆ-ը միջադեպի պատասխանատվությունը դրել է Իրանի վրա, նրան պաշտպանել են Մեծ Բրիտանիան եւ Սաուդյան Արաբիան, իսկ Թեհրանը այդ մեղադրանքները չի ընդունել։ Նավթի գները միջադեպից հետո բարձրացել են։
ԱՄՆ պետքարտուղարը շրջագայում է Ասիայի պետություններում։ Հունիսի 24-ին Պոմպեոն այցելել է Սաուդյան Արաբիա եւ ԱՄԷ, երեքշաբթի նա չհայտարարված այց է կատարել Աֆղանստան, որտեղ հանդիպել է այդ երկրի նախագահ Աշրաֆ Գանիի հետ։
Առանց ռուսական նավթի, երբ մոտ է վառելիքի գլոբալ դեֆիցիտը
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA
Հեգսեթ. ԱՄՆ-ն պետք է օգտագործի իր սեփական զինամթերքը, այլ ոչ թե ուղարկի այն Ուկրաինա