4 հազար 600 թեկնածու՝ Գերագույն ռադայի վաղաժամկետ ընտրություններին

Ուկրաինայի կենտրոնական ընտրական հանձնաժողովը հունիսի 25-ին ավարտել է խորհրդարանական վաղաժամկետ ընտրություններին մասնակցելու հայտ ներկայացրած կուսակցությունների և անհատ թեկնածուների գրանցումը:

Ուկրաինայի օրենսդրությամբ ընտրություններն անցկացվում են խառը համակարգով՝225 պատգամավորընտրվելու է համամասնական կարգով՝ կուսակցական ցուցակներով, իսկ 199 պատգամավոր՝ մեծամասնական ընտրակարգով:

Կենտրոնական ընտրական հանձնաժողովը 18 կուսակցություն է գրանցել,բայց այդ թիվը կարող է 1-ով ավելանալ․ ԿԸՀ-ն մերժել էր Միխեիլ Սաակաշվիլիի հիմնադրած «Նոր ուժերի շարժում» կուսակցությանգրանցումը: Որոշումը բողոքարկվել էր ու Կիևի վարչական դատարանի նախօրեին կայացրած որոշման համաձայն՝ ԿԸՀ-ն պետք է վերանայի կուսակցության ներկայացրած փաստաթղթերը ընտրություններին մասնակցելու համար:

«Մենք հաղթեցինք: Դատարանըպաշտպանեց մեզ: Մենք գնում ենք ընտրությունների»,- «Ֆեյսբուք»-ի իր էջում գրել է Սաակաշվիլին:

Ուկրաինայի խորհրդարանական վաղաժամկետ ընտրություններն անցկացվելու են հուլիսի 21-ին:

Բռնակցված Ղրիմում և երկրի արևելքում ռուսամետ անջատականների վերահսկողության տակ գտնվող Դոնեցկի ու Լուգանսկի շրջաններում քվեարկություն չի անցկացվելու: