ԱՄՆ Կոնգրեսում նախատեսում են 2020թ.-ին պաշտպանության ոլորտին ավելի քան 730 մլրդ դոլար հատկացնել
2020 ֆինանսական տարում, որը կսկսվի հոկտեմբերի 1-ին, Պենտագոնի բյուջեն 733 մլրդ դոլար կկազմի, ինչը 17 միլիարդով պակաս է մարտին Վաշինգտոնի խնդրած բյուջեից: Ինչպես նշում է tass.ru-ն, այս մասին ասված է ԱՄՆ 2020 ֆինանսական տարվա ռազմական բյուջեի նախագծում, որը մշակվել է Կոնգրեսի Ներկայացուցիչների պալատի զինված ուժերի հարցերով հանձնաժողովի նախագահ, Դեմոկրատական կուսակցության անդամ Ադամ Սմիթի կողմից:
«Հանձնաժողովի նախագահի առաջարկը նախատեսում է մեր ազգային պաշտպանությանը 733 մլրդ դոլար հատկացնել, ինչը թույլ կտա մեր զինվորներին պահպանել մարտունակությունը, մեծացնել ներուժը և ներդրումներ կատարել նոր ծրագրային ապահովման ու տեխնոլոգիաների մեջ, որոնք անհրաժեշտ են երկիրը մեր հակառակորդներից պաշտպանելու համար»,- ասվում է համապատասխան փաստաթղթում:
Նշվում է, որ արտերկրում ռազմական գործողությունների իրականացման համար 69 մլրդ դոլար է նախատեսվում հատկացնել: Նախագիծը կներկայացվի ԱՄՆ Կոնգրեսի 2 պալատների հաստատմանը, որից հետո այն կուղարկվի նախագահ Դոնալդ Թրամփի ստորագրմանը:
Հիշեցնենք, որ մարտին Թրամփը խնդրել էր Կոնգրեսին 5%-ով ավելացնել պաշտպանության ծախսերը՝ 2020 ֆինանսական տարում դրանք 750 միլիարդի հասցնելով:
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA