Մեր դաշինքը Ռուսաստանի եւ Հայաստանի ռազմավարական շահերից է բխում. ՌԴ դեսպանը՝ հայ-ռուսական հարաբերությունների մասին
Մեզ իսկապես շատ բան է կապում՝ ոչ միայն պատմական, այլ նաեւ մշակութային, հոգեւոր, տնտեսական, ինչպես նաեւ անվտանգության ոլորտում ամուր եւ հուսալի կապերը: Այս մասին NEWS.am-ի հետ զրույցում հայտարարել է Հայաստանում Ռուսաստանի արտակարգ եւ լիազոր դեսպան Սերգեյ Կոպիրկինը:
«Իմ կարծիքով, դա իմ համոզմունքն է, մեր երկու երկրների հարաբերությունները շատ ամուր են: Մեզ իսկապես շատ բան է կապում՝ ոչ միայն պատմական, այլ նաեւ մշակութային, հոգեւոր, տնտեսական, ինչպես նաեւ անվտանգության ոլորտում ամուր եւ հուսալի կապերը: Մենք միմյանց կարիքն ունենք: Հայաստանը պետք է Ռուսաստանին, Ռուսաստանը՝ Հայաստանին»,- ասել է Կոպիրկինը:
Դեսպանի խոսքով՝ այդ ամենն ամուր հիմք է երկու երկրների հարաբերությունների համար, եւ երկու երկրների ղեկավարություններն եւս կարծում են, որ մենք ռազմավարապես մոտ ենք եւ միմյանց կարիքն ունենք:
«Մեր համագործակցությունը, բարեկամությունն ու դաշնակցությունը բխում է Ռուսաստանի եւ Հայաստանի շահերից: Եվ այդ հիմքն է սահմանում երկու երկրների կառավարությունների մոտեցումը մեր հարաբերությունների հանդեպ: Բնականաբար, կյանքը դժվար է, աշխարհը փոփոխվում է, հարաբերությունները տարբեր են լինում, եւ դրանցում հարցեր են առաջանում: Դա անխուսափելի է, սակայն գլխավորն այն է, որ երկու կողմերը հասկանան միմյանց, մենք իսկապես դաշնակիցներ եւ եղբայրական երկրներ ենք: Եվ համոզված եմ, որ հենց դա կսահմանի մեր հարաբերությունների հեռանկարը»,- ընդգծել է ՌԴ դեսպանը:
Դիվանագետը չի համաձայնվել այն մտքի հետ, թե Հայաստանի եւ Ռուսաստանի հարաբերություններում պոտենցիալը շատ առումներով չի իրականացվել: Նրա խոսքով՝ պարզապես կան ոլորտներ, որոնք կարող են առավել ակտիվ օգտագործվել.
«Բոլոր ոլորտները, այդ թվում՝ մշակույթ, գիտություն, կրթություն, տուրիզմ, տեխնոլոգիաներ: Կարծում եմ՝ սրանք այն ուղղություններն են, որոնց հատուկ ուշադրություն կհատկացնենք»:
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA