Մարգարիտա Սիմոնյանին դուրս են գրել հիվանդանոցից
«Ռուսաստանն այսօր» գործակալության և RT հեռուստաալիքի գլխավոր խմբագիր Մարգարիտա Սիմոնյանը տեղեկացրել է, որ իրեն դուրս են գրել հիվանդանոցից:
Ինչպես փոխանցում է РИА Новости-ն, Սիմոնյանը Twitter-ում հրապարակել է դուրսգրման փաստաթղթի լուսանկարը, որում նշված է ախտորոշումը. «Հղիության ուշ ժամկետում վիժման վտանգ՝ պայմանավորված հոգեբանահուզական սթրեսով»:
«Ահա այսպիսի ախտորոշմամբ ինձ քիչ առաջ դուրս գրեցին հիվանդանոցից: Մի քանի կաթիլայիններ և խիստ բժշկական վերահսկողություն, մեծ շնորհակալություն բժիշկներին: Ներողություն եմ խնդրում բոլորից, ում հետ պետք է հանդիպեի Պետերբուրգում», - գրել է Սիմոնյանը:
Հիշեցնենք, որ Մարգարիտա Սիմոնյանին հոսպիտալացրել էին գիշերը այն բանից հետո, երբ «Էխո Մոսկվի» ռադիոկայանի խմբագրությունում նրան դիմավորել էր ընդդիմադիր Լյուբով Սոբոլը՝ միացված տեսախցիկով, և Մոսկվայի քաղաքապետ Սերգեյ Սոբյանինի մասին հարցեր տվել:
Չնայած մեկնաբանություններ տալուց հրաժարվելուն՝ Սոբոլը համառորեն պատասխան էր պահանջել, և Սիմոնյանի խոսքով՝ նա հետապնդել է իրեն խմբագրության միջանցքներով: Արդյունքում Սիմոնյանին բժիշկների օգնությունն է անհրաժեշտ եղել:
Ավելի ուշ «Էխո Մոսկվի» ռադիոկայանի գլխավոր խմբագիր Ալեքսեյ Վենեդիկտովը ներողություն է խնդրել Սիմոնյանից:
Առանց ռուսական նավթի, երբ մոտ է վառելիքի գլոբալ դեֆիցիտը
ՄԻՊ-ն ընդունել է Մարդու իրավունքների եզդիական կենտրոնի ղեկավարին
Տեխնիկական խափանում մետրոպոլիտենում․ ուղևորներին իջեցրել են «Գործարանային» կայարանում
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
ՄԱԿ-ը կոչ է անում ստեղծել անվտանգ նավագնացության միջանցք՝ Պարսից ծոցից նավերը դուրս բերելու համար
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
3 տարում՝ 125 հեռակա քրեական վարույթ. քանի՞ մեղադրյալ է հայտնաբերվել կամ վերադարձել Հայաստան
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
Իրանում զոհերի թիվը գերազանցել է 3100-ը. HRANA