Facebook-ը կարգելի իր հավելվածների նախնական տեղադրումը Huawei հեռախոսներում

Facebook Inc-ն այլեւս թույլ չի տա իր հավելվածների նախնական տեղադրումը Huawei հեռախոսներում, տեղեկացնում է Reuters-ը։

Facebook օգտատերերը, որոնք արդեն Huawei հեռախոսներ ունեն, նրա հավելվածները կարող են օգտագործել եւ թարմացումներ ստանալ։ Բայց նոր հեռախոսներն այլեւս չեն ունենա Facebook, WhatsApp եւ Instagram հավելվածներ։

Facebook-ի որոշումը թուլացնում է Huawei Technologies Co Ltd-ի վաճառքի հեռանկարները, նրա սմարթֆոնների ոլորտի բիզնեսը անցած տարի եկամտի ամենամեծ աղբյուրն էր շնորհիվ Եվրոպայում եւ Ասիայում դրա ակտիվ աճի։

Google-ը ավելի վաղ տեղեկացրել էր, որ այլեւս չի տրամադրի Android ծրագրային ապահովում Huawei հեռախոսների համար։ Բայց Google PlayStore-ը եւ Google-ի բոլոր հավելվածները նախկինի պես հասանելի կլինեն Huawei հեռախոսների ընթացիկ մոդելների համար։