Հայ գործարարի որդին ավտովթարի է ենթարկվել Մոսկվայում

Ռուսաստանաբնակ խոշոր հայազգի գործարար, «Երևան-Պլազա» առևտրի կենտրոնի համասեփականտեր Գենադի Ստեփանյանի կրտսեր որդին Մոսկվայի մարզում տեղի ունեցած ավտովթարի մասնակից է դարձել:

Ինչպես հայտնում է Вечерняя Москва-ն, Forbes-ի ցանկում տեղ գրաված գործարարի որդին վթարի է ենթարկվել Mercedes Maybach մակնիշի մեքենայով:

Միջադեպը տեղի է ունեցել Կրասնոգորսկի մայրուղու վրա: Շագոր Ստեփանյանի ավտոմեքենան բախվել է BMW X5 մակնիշի մեքենային: Հայտնի է, որ BMW X5-ի վարորդը անցել է լուսացույցի կարմիր լույսի ներքո:

Վթարի հետևանքով երեք մարդ է տուժել: Շագոր Ստեփանյանի մոտ աջ հոնքի և ձախ ոտքի վնասվածք է ախտորոշվել: