Հայտնի են նախկին հատուկջոկատայինի սպանության մեջ կասկածվող երեք հայերը. մեկին մեղադրանք է առաջադրվել

«ՄԿ»-ն, հղում կատարելով իր աղբյուրներին, հրապարակել է մերձմոսկովյան Պուտիլկովոյում ԳՀՎ նախկին աշխատակից Նիկիտա Բելյանկինի սպանության մեջ կասկածվողների անունները։

Ինչպես «ՄԿ»-ին հաջողվել է պարզել, նրանք են «Բիրհաուսի» բարմեն, Հայաստանի քաղաքացի Նարեկ Ստեփանյանը (ծնվ. 1992-ին), Մոսկվայից տնտեսագետ Սուրեն Մարկոսյանը (1978) եւ չաշխատող Սերգեյ Խոջաեւը (1977)։

Նրանց դեմ քրեական գործեր են հարուցվել ՌԴ Քր.օր. «Սպանություն» եւ «Առողջությանը ծանր վնասի պատճառում» հոդվածներով։

Ռուսաստանի ՔԿ Գլխավոր քննչական վարչության՝ Կրասնոգորսկում նախկին զինծառայողի սպանության, տղամարդուն մարմնական վնասվածքներ հասցնելու եւ խուլիգանության քրեական գործի (ՌԴ Քր.օր. հոդված 105, մաս 1, 111 հոդված, մաս 2, 213 հոդված, մաս 2) հետաքննության ընթացքում կալանվել են ծեծկռտուքի եւս երկու մասնակիցներ, տեղեկացվում է ՌԴ ՔԿ պաշտոնական կայքում։

Քննությունը պարզել է այն անձին, որը մահացու հարված է հասցրել մարտական գործողությունների վետերանին, որը փորձում էր օգնել կռվում վիրավորված մարդուն։ Նրան մեղադրանք է առաջադրվել։

Ռուսաստանի ՔԿ-ն միջնորդում է դատարանի առջեւ գործով բոլոր անցնողներին կալանքի վերցնել։

Շարունակվում է տեղի ունեցածի հանգամանքները պարզելու եւ մասնակիցների դերը ճշտելու աշխատանքը, որոշվում է յուրաքանչյուր անձի՝ կատարված հանցագործությանը հանցակցության աստիճանը։

Առկա տվյալներով՝ կասկածյալների մեջ Հայաստանի քաղաքացիներ կան։