Թրամփը Մեծ Բրիտանիայի հետ «ֆենոմենալ» գործարք է խոստանում
ԱՄՆ նախագահ Դոնալդ Թրամփը հայտարարել է Եվրոպական միությունը լքող Մեծ Բրիտանիայի հետ «ֆենոմենալ» գործարք կնքելու մտադրության մասին: Այս մասին նա ասել է Մեծ Բրիտանիայի վարչապետ Թերեզա Մեյի հետ համատեղ մամուլի ասուլիսի ժամանակ:
Թրամփը կրկին հայտարարել է Մեծ Բրիտանիայի հետ առեւտրային համաձայնագիր կնքելու մտադրության մասին՝ նշելով, որ «մեծ պոտենցիալ» կա: Նրա խոսքով՝ երկու երկրները կարող են մեծացնել առեւտրի ծավալները:
Թերեզա Մեյը բարձր է գնահատել ԱՄՆ-ի հետ թանկ եւ հատուկ հարաբերությունները, սակայն խոստովանել է Թրամփի հետ՝ կլիմայի փոփոխության եւ Իրանի հարցերով տարաձայնությունների առկայության մասին:
Նա նշել է, որ Մեծ Բրիտանիան շարունակում է աջակցել կլիմայի փոփոխության մասին Փարիզյան համաձայնագիրը, որից Թրամփը հրաժարվեց: Մեյը նաեւ հայտնել է, որ երկու երկրները տարաձայնություններ ունեն Իրանի կողմից սպառնալիքը սահմանափակելու հարցում:
Մեծ Բրիտանիայի վարչապետն ընդգծել է, որ «համագործակցությունն ու փոխզիջումն ամուր կապերի հիմքն են»:
Huawei-ի մասին
Թրամփը նշել է, որ «որեւէ սահմանափակում» չի տեսնում՝ չինական Huawei ընկերության վրա ճնշման ֆոնին երկու երկրների միջեւ հետախուզության փոխանակման համար:
Նրա խոսքով՝ ԱՄՆ-ն եւ Մեծ Բրիտանիան համաձայնության են եկել այդ եւ այլ հարցերում:
Բրեքզիթի մասին
ԱՄՆ նախագահը վստահություն է հայտնել, որ Մեծ Բրիտանիային կհաջողվի բրեքզիթի հարցով վերջնական համաձայնության գալ: Նրա խոսքով՝ դա լավ է երկրի համար:
Թրամփն ավելի վաղ Մեյին քննադատել էր բրեքզիթի հարցով դիրքորոշման համար: Սակայն այսօր նա նշել է, որ Մեյը «հարգանքի է արժանի եւ լավ աշխատանք է տարել»:
Մեծ Բրիտանիայի վարչապետի ապագայի մասին
Թրամփի կարծիքով՝ վարչապետի լավագույն թեկնածուներն են Բորիս Ջոնսոնն ու Ջերեմի Հանթը:
«Ես ճանաչում եմ Բորիսին, նա ինձ դուր է գալիս: Գիտեմ նաեւ, որ նա լավ աշխատանք է կատարել: Ճանաչում եմ նաեւ Ջերեմիին, կարծում եմ, նա լավ աշխատանք կկատարի»,- ասել է նա հեռացող վարչապետ Թերեզա Մեյի հետ համատեղ մամուլի ասուլիսի ժամանակ:
Մեկնաբանելով իր այցի դեմ Լոնդոնում անցկացվող ցույցերը՝ Թրամփը դրանք «աննշան» է անվանել եւ ոչ այնքան մեծ, որքան փորձում են ներկայացնել «ֆեյք» ԶԼՄ-ները:
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ՄԻՊ-ը հայտարարում է «Առողջության պահպանման իրավունք» խորագրով մրցույթ
Ուկրաինական AI դրոնները կաթվածահար են անում մատակարարման ուղիները
Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին
Ուկրաինայի հակակոռուպցիոն գերատեսչությունները հայտարարել են կազմակերպված խմբի բացահայտման մասին
Նախագահ Վահագն Խաչատուրյանին իր հավատարմագրերն է հանձնել Հայաստանում Ալժիրի Ժողովրդավարական Ժողովրդա...