Լոս Անջելեսում 8 հայ է ձերբակալվել բանկային մեքենայության մեղադրանքով

Լոս Անջելեսում 8 հայ է ձերբակալվել բանկային մեքենայության մեղադրանքով: Այս մասին ասվում է Իմիգրացիոն եւ մաքսային իրավակարգի ծառայության կայքում:

Մեղադրական եզրակացության մեջ ասվում է, որ մեղադրյալները բանկային հաշիվներ են օգտագործել, որպեսզի չեկ դուրս գրեն խաբեության ճանապարհով ստացված այլ բանկային հաշիվների վրա: Պատասխանողները ենթադրաբար կիրառել են բանկային կանոնները, ինչը նրանց թույլ է տվել գումար փոխանցել մի հաշվից մյուսին, ապա անմիջապես գումարը հանել են բանկոմատներում Լաս Վեգասի խաղատներում կամ այլ վայրերում: Այդպիսով նրանք խաբեության ճանապարհով 331 հայկական անձնագրեր են օգտագործել «Bank of America»-ից ավելի քան 1,5 մլն դոլար գողանալու համար:

Ձերբակալվել են 48-ամյա Արա Մալխասյանը, 38-ամյա Սմբատ Խեչումյանը, 45-ամյա Սվետա Խեչումյանը (Սմբատ Խեչումյանի քույրն ու Արա Մալխասյանի կինը), 30-ամյա Հարություն Պետրոսյանցը, 34-ամյա Արթուր Հարությունյանը, 38-ամյա Խաչատուր Չոբանյանը, 49-ամյա Ջիվան Հախնազարյանն ու 37-ամյա Արման Գրիգորյանը:

Եվս մեկը՝ 29-ամյա Արտակ Հոխոյանը, համաձայնել է հանձնվել իշխանություններին:

Բոլոր նրանց մինչեւ 30 տարվա ազատազրկում է սպառնում: