Թրամփի մերձարեւելյան ծրագիրը դավադրություն է պաղեստինցիների դեմ. Իրանի նախագահ
Իրանի նախագահ Հասան Ռոուհանին անվանել է ԱՄՆ-ի նախագահ Դոնալդ Թրամփի՝ մերձարեւելյան հակամարտության կարգավորման նախագիծը որպես դավադրություն Պաղեստինի եւ իսլամական պետությունների դեմ: Այդ մասին ասվում է ուրբաթ Իրանի նախագահի կայքում հրապարակված ուղերձում՝ ուղղված սաուդյան Մեքքայում Իսլամական համագործակցության կազմակերպության գագաթնաժողովի մասնակիցներին, հաղորդում է ՏԱՍՍ-ը:
«Դարի գործարքը (պաղեստինա-իսրայելական հակամարտության կարգավորման ծրագիրը, որը Թրամփը մտադիր է առաջարկել) դավադրություն է՝ ուղղված Պաղեստինի ժողովրդի գործը ոչնչացնելուն, շրջափակմանը եւ բոլոր իսլամական երկրների նկատմամբ ագրեսիային նպաստելուն»,-ասվում է Հասան Ռոուհանիի ուղերձում: Այդ ծրագիրը զրկում է պաղեստինցիներին ինքնորոշման եւ սեփական պետություն կառուցելու իրավունքից, հավելել է Իրանի նախագահը: Նա կոչ է արել բոլոր իսլամանական պետություններին համագործակցել եւ աջակցել Պաղեստինի ժողովրդին:
Մի շարք արաբական ԶԼՄ-ների պնդմամբ, Թրամփի վարչակազմի կողմից մշակվող մերձարեւելյան հակամարտության կարգավորման ծրագիրը նախատեսում է ստեղծել Պաղեստինի Պետությունը Հորդանան գետի Արեւմտյան հատվածի մեծամասնության ուղղությամբ: Ընդ որում՝ այդ տարածաշրջանում հրեական բնակավայրերի մեծամասնությունը, որոնք զբաղեցնում են Արեւմտյան ափի շուրջ 10 տոկոսը, պետք է պահպանվեն: Բացի այդ, ԱՄՆ-ը մտադիր է համարել Արեւմտյան Երուսաղեմը որպես հրեական պետության մայրաքաղաք, իսկ պաղեստինյան մայրաքաղաք՝ Արեւելյան Երուսաղեմի առանձին հատվածները: Ըստ Վաշինգտոնի՝ Երուսաղեմի կենտրոնական մասը՝ Հին քաղաքը, որում գտվում է Իսլամի սրբատեղիներից մեկը՝ Ալ-Աքսա մզկիթը, պետք է համարվի որպես Իսրայելի տարածք, սակայն գտնվում է իսրայելացիների, պաղեստինցիների, Հորդանանի եւ որոշ այլ պետությունների համատեղ ղեկավարման ներքո:
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Իրանում 19-ամյա ըմբշամարտիկի մահապատիժը նոր մտահոգությունների ալիք է բարձրացրել
Կաթողիկոսի՝ երկրից դուրս գալու հետ կապված ՔԿ-ն միջնորդություն չի ստացել
ԱԱԾ տնօրենը հայտարարել է, որ Եզրաս արքեպիսկոպոս Ներսիսյանը եղել է ԽՍՀՄ ՊԱԿ գործակալ
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Էս լրիվ գողական եք հա՞ գնում․ ԱԺ ում լարված մթնոլորտ է
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են