Վենեսուելայում գնաճը 2018 թվականին հասել է 130 000%-ի

Վենեսուելայի Կենտրոնական բանկը հայտնել է, որ 2018 թվականին գնաճը հասել է 130 060%-ի, իսկ այդ տարվա ապրիլին գրանցվել է 33.8% ցուցանիշ։

ԿԲ հայտարարության մեջ ասվում է, որ հունվարին դիտվել է սպառողական գների ամենաբարձր աճը՝ 196.6%, փետրվարին՝ 114.4%, իսկ մարտին՝ 34.8%։

2017 թվականին գնաճը կազմել է 862.6%, իսկ 2016-ին՝ 274%։

Վերջին անգամ ԿԲ-ն զեկույց էր հրապարակել 2015 թվականին, երբ տարեկան գնաճը եղել է 180.9%-ի մակարդակի վրա։

ԿԲ-ն նաև հայտնում է, որ երկրի ՀՆԱ-ն 2018 թվականի երրորդ եռամսյակում կրճատվել է 22.5%-ով՝ 2017-ի նույն ժամանակահատվածի համեմատ։