Վենեսուելայի իշխանությունները վաճառում են երկրի պահուստային ոսկու պաշարները

Վենեսուելայի իշխանությունները պատժամիջոցները շրջանցելու համար վաճառում են երկրի պահուստային ոսկու պաշարները: Այդ մասին գրում է Bloomberg-ը:

Գործակալության տվյալներով, մայիսի 13-ին Վենեսուելան վաճառել է 9,7 տոննա ոսկի, իսկ մայիսի 10-ին`4 տոննա: Նշվում է, որ գործարքների ծավալը կազմել է 570 մլն դոլար: Թե որ երկրներն են գնել ոսկին, գաղտնի է պահվում:

Ի դեպ, Վենեսուելան 29 տարվա ընթացքում իր ոսկու և արտարժութային պահուստները հասցրել է նվազագույնի՝ 7․9 մլրդ դոլարի:

Գործակալության աղբյուրը մանրամասնել է, որ վենեսուելական իշխանությունները մտադիր են ստացված միջոցները ծախսել ներմուծումների ֆինանսավորման վրա:

Դեռ ապրիլին Reuters գործակալությունը հայտնել էր, որ Վենեսուելայի պահեստներից վաճառքի համար արտահանվել է 8 տոննա ոսկի: