Թրամփը խոստացել է «ԱՄՆ-ի դռները բացել բարձր որակավորում ունեցող մասնագետների առաջ»
Միացյալ Նահանգների նախագահ Դոնալդ Թրամփը Սպիտակ տանը լրագրողների հետ հանդիպմանը ներկայացրել է իր պատկերացմամբ կատարյալ միգրացիոն ծրագիր, որն առաջարկում է խստացնել միգրացիոն օրենքներն ու բալային սանդղակի վրա հիմնված համակարգ ստեղծել:
Ինչպես նշում է Daily Mail-ը, Թրամփն ասել է, որ աշխատանքային այցագիր ստանալու համար դիմողները պետք է տիրապետեն անգլերենին և նախքան ԱՄՆ ժամանելը պետք է անպայման քաղաքացիական թեստ հանձնեն: Նրանց դիմումները հաստատելու հարցում կարևոր է լինելու այն, թե որքան լավ են նրանք տիրապետում անգլերենին և քանի միավոր են ստացել թեստը լուծելու համար:
Թրամփն ընդգծել է, որ իրենք ցանկանում են «երկրի դուռը բացել արժեք և հմտություններ ունեցող ներգաղթյալների առջև»:
ԱՄՆ նախագահի խոսքով՝ նա չի ցանկանում նվազեցնել «Գրին քարտ» ունեցողների կամ օրինական ներգաղթյալների քանակը:
«Բայց մարդկանց պատահականության սկզբունքով ընդունելու փոխարեն մենք կսահմանենք պարզ, ունիվերսալ չափորոշիչներ նրանց համար, ովքեր ցանկանում են Միացյալ Նահանգներ գալ: Կապ չունի աշխարհի որ անկյունում եք ծնվել, ովքեր են ձեր բարեկամները: Եթե դուք ցանկանում եք ԱՄՆ քաղաքացի դառնալ, միանգամայն պարզ չափորոշիչներ կլինեն, որոնց դուք պետք է համապատասխանեք: Ամեն ինչ բյուրեղի պես պարզ, հստակ կլինի»,-ասել է Թրամփը:
Նա նշել է, որ ըստ իր առաջարկած ծրագրի՝ չափորոշիչներին համապատասխանող դիմողները արագ կընդունվեն, իսկ չհամապատասխանողները՝ ոչ:
Մելանյա Թրամփը շարունակում է պնդել, որ իր որդուն դեռևս անհրաժեշտ է մշտական հսկողություն
Որոշ տարածաշրջաններում ձյուն է տեղում․ Վարդենյաց լեռնանցքը, Սպիտակի ոլորանները, «Մեղրու սար» հատվածը...
Մոսկվայի կենտրոնում բազմաբնակարան շենք է այրվել․ զոհեր և վիրավորներ կան
Երևանը միանում է «Երկրի ժամ» համաշխարհային բնապահպանական նախաձեռնությանը
Թբիլիսիում քննարկել են երաժիշտների իրավունքները, աշխատանքային պայմանները և մշակութային քաղաքականությ...
Իրանում պատերազմը Հնդկաստանին կանգնեցրել է գազային ճգնաժամի առաջ
Փարիզի Սամուելյանի Արևելյան գրախանութի աճուրդի հանված արժեքավոր որոշ գրքեր արդեն Հայաստանում են
Վահագն Խաչատուրյանը ներկա է գտնվել Համայն Վրաստանի կաթողիկոս-պատրիարքի հուղարկավորության արարողությա...
Քեզ ասում են՝ չե՞ս ուզում կռվել այս պայմաններով, ուրեմն մեկ տարի առանց մենամարտերի կնստես
Մարտի 23-ից ՆԳՆ Աշտարակի հաշվառման-քննական ստորաբաժանումը կգործի նոր հասցեում