Ֆրանսիայում շուրջ 19 000 մարդ էր փողոց դուրս եկել՝ մասնակցելու «դեղին բաճկոններ» շարժման բողոքի ցույցին

Ֆրանսիայում փողոց դուրս եկած «դեղին բաճկոնների» մասնակիցների թիվը կտրուկ նվազել է: Ինչպես տեղեկացնում է РИА Новости-ն՝ հղում անելով տեղի աղբյուրին, այսօր ողջ երկրում 18 600 մարդ է փողոց դուրս եկել, որոնցից 1200-ը՝ Փարիզում:

Սա 26-րդ շաբաթն է, երբ ֆրանսիացիներն իրենց բողոքը հայտնելու համար փողոց են դուրս գալիս երկրի տարբեր քաղաքներում: Ամենից շատ թվով ցուցարարներ գրանցվել են Լիոնում, Նանտում, Մոնպելիեում:

Երկրի ՆԳՆ տվյալներով՝ անցյալ շաբաթ ողջ երկրով մեկ ցույցերի դուրս էր եկել 18 900 մարդ, որոնցից 1400-ը՝ Փարիզում:

Հիշեցնենք, որ մայրաքաղաքում բողոքի երթ անցկացնող ցուցարարներն այսօր նոր բողոքով են հանդես եկել: Սոցիալական պահանջներից բացի նրանք դեմ են իշխանությունների նախաձեռնած կրթական բարեփոխումներին:

Համազգային բողոքի ցույցերը Ֆրանսիայում անցկացվում են 2018-ի նոյեմբերի 17-ից, երբ վարորդները դեմ դուրս եկան վառելիքի գնի բարձրացմանն ու բողոքի ցույց կազմակերպեցին դեղին բաճկոններով: