Պետդեպարտամենտը նշել է Պոմպեոյի եւ Պուտինի առաջիկա հանդիպման թեմաները
Ամերիկյան վարչակազմը գտնում է, որ ԱՄՆ-ի պետքարտուղար Մայք Պոմպեոյի՝ մայիսի 12-14-ին Ռուսաստան կատարվելիք այցի արդյունքները ցույց կտան նաեւ երկու երկրների նախագահներ Վլադիմիր Պուտինի եւ Դոնալդ Թրամփի հանդիպման կազմակերպման հեռանկարները: Այդ մասին լրագրողների համար հատուկ հեռախոսային բրիֆինգի ընթացքում հայտնել է Պետդեպարտամենտի բարձրաստիճան ներկայացուցիչը:
Նա ուղիղ պատասխան չի տվել ՏԱՍՍ-ի հարցին, թե մտադիր է արդյոք Պոմպեոն Ռուսաստանի առաջնորդի հետ առաջիկա հանդիպումների ժամանակ դիտարկել Պուտինի եւ Թրամփի հանդիպման կազմակերպման հնարավորությունը: «Գագաթնաժողովի եւ առաջիկա հանդիպումների առումով պետք է ուղղորդեմ ձեզ Սպիտակ տուն: Տեսնենք՝ ինչպիսին կլինեն այցի արդյունքները»,-ասել է բրիֆինգը վարողն այդ առնչությամբ:
Ընդ որում՝ նա ընդգծել է, որ ԱՄՆ-ը կցանկանային հասնել Ռուսաստանի հետ հարաբերությունների բարելավմանը: «Դարձյալ ԱՄՆ-ի եւ Ռուսաստանի հարաբերությունների լավացումը կբխեր մեջ [ամերիկյան] շահերից»,-նշել է դիվանագետը:
Պետդեպում նշել են նաեւ, որ սպառազինությունների վերահսկողության հարցը կլինի Պոմպեոյի եւ Պուտինի հանդիպման առջնահերթություններից մեկը:
«Բանակցությունների առաջնահերթություններից մեկը կլինի սպառազինման վերահսկողությունը»,-ասել է նա: «Կքննարկվեն մի շարք գլոբալ մարտահրավերներ, այդ թվում՝ Ուկրաինան, Վենեսուելան, Իրանը, Սիրիան եւ ԿԺԴՀ-ը»,-ընդգծել է Պետդեպարտամենտի ներկայացուցիչը:
«Դա դիվանագիության խնդիր է՝ հանդիպել, անցկացնել անկեղծ զրույցներ եւ աշխատել՝ փնտրելով ոլորտները, որոնցում մենք կարող ենք համագործակցել»,-հավելել է նա:
Արհեստների միջազգային 5-րդ փառատոնն այս տարի կանցկացվի Մեղրիում
ԿԳՄՍ-ն ստացել է ուսումնական հաստատություններում քաղաքական գործունեության, քարոզչության կամ հակաքարոզ...
Թանգարանների գիշեր․ մայիսի 16-ին թանգարանները կգործեն անվճար մինչև կեսգիշեր
Անկախ Հայաստանի պատմության մեջ առաջին անգամ բլոկ-մոդուլային ենթակայան է կառուցվում
Առաջիկա օրերին Հայաստան կմատակարարվի իրանական հեղուկ գազ, ինչը կարող է նպաստել գների նվազմանը. Պապոյ...
ՄԻՊ-ը հայտարարում է «Առողջության պահպանման իրավունք» խորագրով մրցույթ
Ուկրաինական AI դրոնները կաթվածահար են անում մատակարարման ուղիները
Սիսիանի համայնքային ոստիկանները հայտնաբերել են 12-ամյա տղային նվաստացրած պատանիներին
Ուկրաինայի հակակոռուպցիոն գերատեսչությունները հայտարարել են կազմակերպված խմբի բացահայտման մասին
Նախագահ Վահագն Խաչատուրյանին իր հավատարմագրերն է հանձնել Հայաստանում Ալժիրի Ժողովրդավարական Ժողովրդա...